ATC MALE VOICE (2019-2020) - CHATUAN KAWL

ATC MALE VOICE (2019-2020) - CHATUAN KAWL
Phuahtu: Dr. Ramdinthara Sailo

Damlai hringnun kawng zawh a, ka zinna thlalerah hian,
Ngui leh chau takin ka rum a, van in ka ngai mange;
Sual leh thlemna tinrengten ka nun min tibuai leh thin,
Aw, ka Lal duhawm, min kalsan lul suh aw.

Nawmsakna te leh he lei mawina tinrengte,
Sum leh pai chapo uannate;
Lei ropuina lem chatuan daih si lo hian
Ka van in kawng min bo tir ka hlau mang e.

I kal zel ang aw, chhandam fate chu,
He khawvel parmawinaten min lo au mahsela,
A rei lo’ng zanthim lungngaih, buaina chhumpui zing,
Chatuan kawl a eng tan ta!

Rinna in han fang ila, mithianghlimte tual lenna
Aw, tah chuan an leng e, hlimte’n, puanvar ropui sinin;
Kal hmasa mi huaisente, nunna lallukhum mawi nen
Hnuchhawn ram khawvel an ngai tawh ngai lo ve.

Chawl hman kan ni lo, Lalpa tana beitute,
Kan tum ram chu pan zel ila;
Thlir teh, a lang e, chatuan in mawi tak chu,
Aw, chu hmun thlen hlan ka va han nghakhlel em!

(A tawp nan) Lungngaih, tahna leh mittui a hul ang,
Thih leh natna reng a awm tawh lo ve;
Chhandam fate lai lenna chu!

[lalruatkimiralte]

In va zaithiam em...in hla sak hi a nalh bawk si.

[chhanakholhring]

Sir i copy leh a track hi min share theih chuan ka lawm ngawt ang

[randyruats]

Pu Faktea te Vanglai hun kha minti hrechhuak zawk mai a

[lallawmawma]

A hla soft copy leh track hi min pe phal ang ngem le, zaipawla sak turin. Conductor ka ni a