Shankar Mahadevan's Breathless speed Version

It's cool🤠😎

[a_aarmy]

Exam day I am sit in class me sing this song 😌🥰😍

[dr.sbspandey]

❤
Koi jo mila to mujhe aisa lagta tha

Jaise meri saari duniya main geeton ki rut

Aur rangon ki barkha hai khushbu ki aandhi hai

Mehki hui si ab saari fizaayen hain

Behki hui si ab saari hawaayen hain

Khoyi hui si ab saari dishaayen hain

Badli hui se ab saari adaayen hain

Jaagi ummengein hain, dhadak raha hai dil

Sanson main toofaan hain, hothon pe nagme hain

Aakhon main sapne hain, sapnon main beete hue

Saare vo lamhe hain

Jab koi aaya tha, nazron pe chhaya tha

Dil main samaya tha, kaise main bataun tumhe

Kaise use paaya tha, pyaar ke chehre pe bikhri jo julphen

To aisa lagta tha jaise kohre ke peechhe

Ek os main dhula hua phool khila hai jaise

Badal main ik chaand chhupa hai

Aur jhaank raha hai jaise raat ke parde main

Ek savera hai roshan roshan aakhon main

Sapnon ka saagar jismain prem sitaron ki chaadar

Jaise jhalak rahi hai

Lahron lahron baat kare to jaise moti barse

Jaise kahin chandi ki payal goonjey

Jaise kahin sheeshe ke jaam girey

Aur chhann se tootey jaise koi chhip ke sitaar bajaye

Jaise koi chaandni raat main gaye

Jaise koi hole se paas bulaye

Kaisi meethi baatain thee vo

Kaisi mulakaatein thee vo

Jab maine jaana tha

Nazron se kaise pighalte hain dil

Aur aarzoo paati hai kaise manzil

Aur kaise utarta hai chaand jameen par

Kaise kabhi lagta hai swarg agar hai

To bas hai yahin par

Usne bulaya mujhe, aur samjhaya mujhe

Hum jo mile hain, hamain aise hi milna tha

Gul jo khile hain, unhe aise hi khilna tha

Janmo ke bandhan, janmo ke rishtey hain

Jab bhi hum janme to hum yuhin milte hain

Kaanon main mere jaise, shahed sa ghulne lage

Khwaabon ke dar jaise aakhon main khulne lage

Khwaabon ki duniya bhi kitni haseen aur

Kaisi rangeen thee khwaabon ki duniya

Jo kahne ko thee par kahin bhi nahi thee

Khwaab jo toote mere, aakh jo khuli meri

Hosh jo aaya mujhe

Maine dekha maine jaana

Vo jo kabhi aaya tha, nazron pe chhaya tha

Dil main samaya tha, ja bhi chuka hai

Aur dil mera hai ab tanha tanha

Na to koi armaan hai, na koi tamanna hai

Aur na koi sapna hai

Ab jo mere din aur ab jo meri ratain hain

Unmein sirf aansoon hain

Unmein sirf dard ki ranj ki batain hain

Aur pharyaadein hain

Mera ab bhi koi nahi

Main hoon aur khoye hue pyaar ki yaadein hain

Main hoon aur khoye hue pyaar ki yaadein hain

Main hoon aur khoye hue pyaar ki yaadein hain

[imstar]

Fake song koi nahi ga sakata fast song