“Qarabağ erməniləri təkliflərimizi qəbul etsə, onların reinteqrasiyası sürətlənər' - Ceyhun Bayramov

Çərşənbə günü Bakıda öz işinə başlayan Qoşulmama Hərəkatı Əlaqələndirici Bürosunun Nazirlər İclası çərçivəsində BBC Azərbaycancanın suallarını cavablandıran Azərbaycanın xarici işlər naziri Ceyhun Bayramov deyib ki, Qarabağın erməni icması rəsmi Bakının “təkliflərinə nə qədər tez müsbət cavab verərsə, onların reinteqrasiyası daha da sürətlənə bilər ki, bu da region, ən əsas da onların özləri üçün yaxşıdır”.

Ermənistan tərəfinin delimitasiya və demarkasiya prosesində konkret xəritələrdən istifadə ilə bağlı fikirlərini isə Ceyhun Bayramov “sadəlöhvlük” adlandırıb. Nazir delimitasiya komitəsinin yaxın vaxtlarda yenidən görüşməsinin bu prosesi irəliyə aparmaq üçün faydalı olduğunu bildirib.

“Burada hansısa konkret xəritədən söhbət getmir. Müxtəlif istiqamətlərə aid fərqli xəritələr ola bilər. Xəritənin hüquqi əsasını təşkil edən sənəd olmadığı təqdirdə, həmin xəritə əsas kimi götürülə bilməz. Yəni hər hansı xəritəyə hüquqi qüvvəsi olan sənədlərlə birlikdə baxılmalıdır”, – Ceyhun Bayramov deyib.

Qoşulmama hərəkatına üzv ölkələrin xarici işlər nazirlərinin Bakıdakı toplantısı sabah başa çatacaq.

Bizi sosial şəbəkələrdə izləyin, şərh yazın və paylaşın:

Youtube səhifəmizdə olan digər videoları da izləyin.

Azərbaycan da bu gün
Qarabağ münaqişəsi
Dünyada bugün
Bölgələrdən
Qadınlar, sizin üçün
1 dəqiqəlik videolar
Müsahibələr – Sizin səsiniz
Azərbaycanlılar Britaniyada
Niyə, nə üçün - izahedici videolar
Gənclər sizin üçün
Sosial problemlər

[subhanhesenquliyev]

Xankəndindəki biznesmenlər Nazim Bəydəmirli kimi halal biznesi quldurlara təhvil verməlidir? Söyüdlü sakinləri kimi ekaloloji, tibbi, siyasi hazırdırlarmı? Xankəndililər uşaqpulu, pensye almadan, polisdə zorlanmağa hazırdırlarmı?

[НАФАНАИЛ-шт]

Bəsti də. İki il eyni saqqızı çeynəyirsiz. Bizi gic yerinə qoymusuz ? Ermənilər dolayıblar sizi. Onlara təklif yox, şərt qoymaq lazımdır. Ölkə daxilində ərzaqın qiymətini təklifsiz qaldırırsız. Dəmir yumuruq paslanıb deyəsən.