Krongj, fshati i pleqve në Finiq, personi më i ri 75-vjeç

#rtvora #rtvoranews

Olimbia është një nga rreth 30 të moshuarit që kanë mbetur si banorë të fshatit Krongj, në Finiq.

“Ne jemi 15 shtëpi, nga 2 veta.”

Jetën e vështirë e përballon e vetme për prej vitesh.

“Në Greqi kanë ikur fëmijët.”

Në fshat, nuk dëgjohen të qara fëmijësh, por veç rënkime të moshuarish. Dasma e fundit as nuk e mbajnë mend.

“Fëmijë nuk lindin më.”

“Nuk ka as dasma dhe as dashuri.”

Deri në vitet e para të tranzicionit aty jetonin mbi 200 banorë, por me hapjen e kufijve të fëmijët thonë se u larguan për të mos u kthyer më.

“U hap rruga dhe ikën të gjithë.”

Kjo 75-vjeçare ka mbetur më e reja mes të moshuarve.

Krongji është i izoluar, mes malesh, larg zonave urbane, por nuk u ka shpëtuar syrit të hajdutëve.

“Na i morën të tëra.”

Banorët e fundit vuajnë mungesën e shërbimeve. Për nevojën me të vogël duhet t’i drejtohen Sarandës.

Krongji është panorama e shumë fshatrave shqiptar larg zonave urbane, ku shpopullimi tashmë është realitet.

Follow TV Ora dhe RTV Ora News