Электр қуаты неге қауқарсыз?

Соңғы 2,5 жылда облыс бойынша электр қуатын қолданушылардың саны бес жарым мыңға көбейген. Бұл өз кезегінде «жарық кернеуінің бәсеңдеуіне әкеп соқтырып отыр»,- дейді мамандар.

Қазіргі таңда облыс аумағында 11 мың шақырымға жуық жерге электр желісі жүргізілген және 2 мыңнан аса қосалқы станция бар. Мамандардың айтуынша оның 66 пайызы тозып тұр. Оларға кезең-кезеңімен жөндеу жұмыстары жүргізіліп жатыр.

БАТЫРЖАН ҚАРАКӨЗОВ – «ҚЫЗЫЛОРДА ЭЛЕКТР ТАРАТУ ТОРАПТАРЫ КОМПАНИЯСЫ» АҚ БАСҚАРМА ТӨРАҒАСЫ
«Бүгінгі таңда болып жатқан мәселе, су көлемінде трубаның сыйымдылығы болады ғой. Дәл сондай бізде электр желілерінің, сымдарының өзінің сыйымдылығы болады. 35 кернеуімен шектеледі да. Соған біз өткен жылы жоба жасағанбыз. Мынау біздің желілерді жаңадан, композиттік талапқа сай қылып жасау керек. Ол трубалар ауыстырылса, электр энергиясын көбірек тұтуныға мүмкіндік бар. Қазір ия, электр энергиясының кернеуі төмен, сапасыз болып жатыр. Себебі тұтынушылар көбейіп жатыр. Жерлестерімізге өтініш, шамалы түсіністік танытып, тұтынуды азайтып, электр энергиясын үнемдеп, осы мәселеден өтіп кетейік».

ТАХИР НӘДІРБЕК – ОБЛЫСТЫҚ ЭНЕРГЕТИКА ЖӘНЕ ТҰРҒЫН ҮЙ-КОММУНАЛДЫҚ ШАРУАШЫЛЫҚ БАСҚАРМАСЫ БАСШЫСЫНЫҢ ОРЫНБАСАРЫ «Осы тозуды азайту мақсатында 23 жылы біз 8 млрд қаржыға 677 шақырым электр желілерін жүргізіп, 135 дана қосалқы станцияларын ауыстырған болатынбыз. Биылғы жылы электр желілерін жаңғырту бойынша 38 жобаға 11 млрд қаржы бөлінді. Бөлінген қаржыға 786 шақырым эл. Желілері мен 175 дана қосалқы станцияларды жөндеуден өткіземіз. Жалпы тозу деңгейін 66 пайыздан 62 пайызға төмендетуді жоспарлап отырмыз».