Klan News - Fundjavë amerikane në Gjirokastër

Larmi aktivitetesh u organizuan këtë fundjavë në Gjirokastër, për të çelur kështu javën e kulturës dhe të artit amerikan që do të vijojë edhe në Tiranë e qytete të tjera të vendit, deri më 14 Tetor

Qytetarë dhe turistë të shumtë patën mudësinë të shijonin shfaqje të ndryshme që nga kampionati i sportit të ajrit “Gjiro open air 2023”, performanca e letërsisë amerikane, koncerte me këngëtarë të ndryshëm e DJ të njohur shqiptarë e të huaj.

Në teatrin “Zihni Sako” spektatorët patën mundësinë të ndiqnin shfaqjen “Krim në hotel”, ndërsa nuk munguan as shfaqjet për fëmijë. Kjo fundjavë Amerikane në Gjirokastër u organizua nën moton “Bashkë në çdo festë, e cila feston miqësinë Shqiptaro-Amerikane”.

“Organizimi është i mbështetur nga Fondacioni Shqiptaro-Amerikan për Zhvillim dhe bashkia Gjirokastër dhe jemi kujdesur ne si shoqatë për ta mbarëvajtur.”

“Tetori do vijojë të jetë plot gjallëri, plot aktivitete në bashkinë Gjirokastër dhe në të gjitha njësitë administrative. Ju presim të shijoni aktivitetet në Gjirokastër. Ejani në Gjirokastër!”

Aktivitete të tilla mes të tjerash synojnë të tërheqin turistë, të cilët vazhdojnë të vizitojnë në një numër të konsiderueshëm gjatë vjeshtës Gjirokastrën.

SUBSCRIBE to "RTV KLAN" on YouTube for more videos!
#KlanNews #KlanNewsLajme #TvKlan