Ora News - Pas studentëve, në protestë banorët në Lezhë, Kavajë e Shkodër

Показать описание

Qytetarë të Kavajës, Lezhës dhe Shkodrës janë ngritur në qytetet e tyre, jo vetëm në mbështetje të protestës së studentëve, por edhe për problemet ekonomike.

Biznesi i vogël në Kavajë bllokoi rrugën në shenjë proteste ndaj taksave të larta dhe çmimeve të larta. Të veshur me jelekët e verdhë si në Francë, ata kanë përpiluar 4 pika, në të cilat kërkohet të ndalet projekti korruptiv i zëvendësimit të kasave fiskale, ulja e çmimit të energjisë elektrike me 30% apo ulja e karburantit me 300 lekë për litër. Në pikën e fundit kërkohet rritja e pragut të TVSH-së për Biznesin e Vogël dhe të Mesëm nga 20 mln lekë në vit që është sot, në 120 milionë lekë. Ata shprehen se këto 4 pika janë të panegociueshme.

Banor: Do dalim dhe në greva urie.

Banorët e Shkodrës marshuan në kryeqendrën e veriut për taksat e larta, emigracionin dhe papunësinë.

Ata kanë kërkuar largimin e kryeministrit Rama.

Ndërsa fermerë e banorë të Vaut të Dejës bllokuan superstradën Lezhë-Shkodër në Kosmac me thirrje kundër qeverisë, që sipas tyre i ka varfëruar.

Banorë: Rama ik, rama ik! Turp, turp, turp.

Qytetarët thanë se do të rikthehen sërish të martën dhe në ditët në vijim.