Hoffnig (Weihnachten 2017)

Hoffnig
Im Summer hani ghörig gschwitzt,
doch der Herbst isch plötzlich ko.
Han ghofft es blibt noch länger warm,
doch wäga mir blibt zit ned schto.
Dr Schnee hät sich ufd Berga gleht
und im Ofa brennt scho s Führ.
I hoff dr Winter wörd net z kalt, I mags ned wenni frühr.

I hoff es schneit hür bis is Tal und dass oft z Sunna schint.
I hoff dass's warm i üsra Herza blibt.
I hoff dass überall Freda herrscht und d Menscha glücklich sin.
I hoff dass d Liabi Gier und Hass besiegt!

D Menscha hen scho immer ghofft,
döt i dr längschta Nacht.
Dass d Dunkelheit net ewig blibt
und s Liacht erneut erwacht.
Sit jeher isch dia Winternacht,
d nacht vo dr Hoffnig gsi.
Hoffnig git da Menscha muat
und sei si no so kli.

I hoff es schneit hür bis is Tal und dass oft z Sunna schint.
I hoff dass's warm i üsra Herza blibt.
I hoff dass überall Freda herrscht und d Menscha glücklich sin.
I hoff dass d Liabi Gier und Hass besiegt!

Manch aner hofft uf Richtum, dr ander uf a stückle Brot.
Dr einte hofft es blibt für immer dr ander dass sichs ändra loht. Und alle hoffen dass dia Hoffnig bald in Erfüllig goht.

I hoff es schneit hür bis is Tal und dass oft z Sunna schint.
I hoff dass's warm i üsra Herza blibt.
I hoff dass überall Freda herrscht und d Menscha glücklich sin.
I hoff dass d Liabi Gier und Hass besiegt!

Gesang: Anna von Grünigen
Backing Vocals: Claudia und Leo Veit
Gitarren: Marco Scheiber
Orgel: Claudio Müller
Klarinette: Noam Mayer
Bass: Claudia Veit
Schlagzeug: Robin Kind
Text und Musik: Leo Veit