Xatirə Bəylərli Bənövşə kimi Əlibala Zalovun şeiri

Bənövşə kimi

Çiçəklər içində birini gördüm,
Ruhumu oxşadı bənövşə kimi.
Gözüm ayrılmadı, könlüm alışdı
Dayandım seyrinə, bənövşə kimi.

Gözümdə bir irəng, min çalar aldı
Gənclik illərimi yadıma saldı.
Gözəllər içində bir qız da vardı,
Adı Bənövşəydi, bənövşə kimi.

Sığala yatmayan bir çiçək idi
Gözəllər içində bir göyçək idi
Əkilməz,biçilmiş bir gerçək idi
Qəşəngdi,çox qəşəng, bənövşə kimi.
.
Bir az ədalıydı, bir az qəmzəli,
Hərdən qımırlıydı, bir az işvəli.
Əksi gözlərimdə, gözləri nəmli!
Bahara tələsmiş, bənövşə kimi.

Nədən ömrü qısa bu çiçəklərin?
Bəs niyə  bəxti kəm xoş diləklərin?
Təbiət qoynunda gözəlliklərin,
Taleyi gətirmir,bənövşə kimi.

Zaloğlu bu ağrı,acı,qüssə nə?
Gözəllər yan keçib,səndən küssə nə
Sən də gözəllərdən  inci, küssənə
Bir az boynu bükük, bənövşə kimi.

[Zxcvbnmçş-mo]

Salam, Xatirə xanım. Şeiri çoox gözəl təqdim eləmisiniz. Maşallah! Əlibala müəllimimin qələminə, sizin də ürəyinizə sağlıq. 🌹🤲

[elmirakanan]

Seir de gozel, soyleyenin de sesi gozel.. benovshe kimi..

[tlbqiz]

Mənim sevimli müəllimimin şeiri Sevimli müəllimimin təqdimatında bundan daha gözəl ola bilməz 🤍