Top News - 80 të dënuar në katër muaj/ Përmasat e krimit shqiptar në Angli

Tetëdhjetë emigrantë shqiptarë janë dënuar me 130 vite burg vetëm në katër muajt e parë të këtij viti në Angli.

Ata janë dënuar për vrasje, përdhunim, shkelje të rregullave për armët e zjarrit, rrëmbim, vjedhje dhe prodhim kanabisi në ambiente të mbyllura e të hapura.

Totali prej 130 vitesh burg do t'i kushtojë taksapaguesve në Mbretërinë e Bashkuar të paktën 20 milionë paund për të strehuar çdo shkelës për kohën e caktuar, me një kosto mesatare prej 57,000 £ për të burgosur në vit.

Vitin e kaluar, një rekord prej 12,301 shqiptarësh arritën në Mbretërinë e Bashkuar me varka të vogla, që përfaqëson një të katërtën e totalit prej 45,755 emigrantësh të paligjshëm.

Kjo shifër vjen ndërsa Robert Jenrick, ministri i imigracionit, filloi një turne pesë-ditor në Afrikën e Veriut dhe Evropën për të rritur bashkëpunimin me shtete të tjera me shpresën e arritjes së marrëveshjeve të ngjashme me Shqipërinë për të frenuar fluksin e emigrantëve.

Ai do të udhëtojë në Tunizi dhe Algjeri për të ofruar mbështetje për të cc’montuar bandat që merren me trafikimin e emigrantëve të paligjshëm.

Pamje:AFP / Photo Source: The Telegraph

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Subscribe to "Top Channel" on YouTube Channel for NEWS and TV
#TopNews#Krimi#Angli