Soxta tilanchi ayol fosh etildi

Buxoro viloyati Romitan tumani Hofizrabot mfy tayloq qishlog’ida istiqomat qilib kelayotgan Nurali aka Asadov mana bir oydan oshibdiki Buyrak yetishmovchiligi kasalligi bilan og’rinib keladi. Mazkur bemorning operatsiya va muolajasiga mablag’ yig’ish maqsadida telegram guruhi ochilib ehson pullari yig’ilib kelinmoqda. Besh qo’l baravar emas deganlaridek, firibgar ayol bemorning boshiga tushgan og’ir sinovdan foydalanmoqchi bo’ldi. Gap shundaki, ayblanuvchi ayol ijtimoiy tarmoqlar orqali bemorning fotosuratini olib, go’yoki o’zining eri ekanligini ta’kidlab katta masjid darvozasi tagida turib tilanchilik qilib kelgan. Ammo uning qing’ir ishlari uzoqqa bormadi. Ma'lum bo'lishicha hozirda holat yuzasidan II organlari tomonidan tergov harakatlari olib borilmoqda. Qonun ustuvor ekan hech qanday jinoyat jazosiz qolmaydi. Ushbu holat barchamizga dars bo’lishi lozim. Birovning boshiga tushgan og’ir kulfatidan o’z manfaatlari yo’lida foydalanish uchun qay darajada vijdonsiz bo’lish kerak?! Bu oilaga hozirda qanchalar mushkul bo’layotgani faqat o’zlariga ayon
1983-yilda tug’ilgan, 4 farzandning otasi Nurali Asadovning muolajalari uchun saxovatli insonlarning yordamiga muxtoj. Zarur operatsiya o’tkazilishi uchun 15 ming AQSh dollari kerak. Hozirgi kunda butkul tuzalib ketishlari uchun ehson mablag’lari yig’ilishi davom etmoqda.