Kryeprokurori, në krye Olsian Çela/ KLP rendit të dytën Arta Markun e në fund Fatjona Memçaj

Platforma që Olsian Cela parashtroi para Këshillit të Lartë të Prokurorisë i bindi edhe ata që ishin në krahun e dy rivalëve të tij, se Cela meritonte të listohej në vendin e parë.

Përballë dy kandidateve të tjera, Olsian Cela mori 459 pikë, ndërsa prokurorja e përgjithshme e përkohshme, Arta Marku mori 406 pikë, kurse Fatjona Memcaj 362 pikë.

Listimi në vend të parë i Olsian Celës, në vend të dytë i Arta Markut dhe në vend të tretë i Fatjona Memcajt u votua unanimisht nga Anëtarët e Këshillit të Lartë të Prokurorisë.

Olsian Cela siç mësohet nga burime të sigurta e ka mësuar lajmin e renditjes në vend të parë në sallën e Gjykatës ku po përfaqësonte një çështje gjyqësore, ndërkohë që edhe dy rivalet e tij për këtë post gjendeshin në zyrë. Tashmë do të respektohet ligji që ka vendosur afat për pretendentët nëse ndonjëri prej tyre do ta kundërshtojë renditjen në Gjykatën e Apelit Administrativ.

Dhe vetëm pas këtij moment Këshilli i Lartë i Prokurorisë do t’a dorëzojë listën në parlament prej nga ku duhet që të votohet për prokurorin e përgjithshëm, i pari pas ndryshimeve të reformës në drejtësi që ka mandatin shtatë vjeçar.

Për shkak se në vend të parë është listuar prokurori i Krimeve të Rënda, Olsian Cela pritet që edhe Parlamenti t’a votojë për prokuror të përgjithshëm.

Subscribe to "Top Channel" on YouTube Channel for NEWS and TV

[sadikbajraktari]

I takon vendi i pare!Suksese, sigurisht dhe Parlamenti do ta votoje Prokuror i Pergjithshem.Fillon drejtesia Shqiptare ne rrjedhjen normale te shtetit te se drejtes.Njerzit e zot dhe te ndershem do ta plotsojne kete mision historik.

[agimfigura]

Te vazhdoje pune sa me shpejt qe ta pastrojne vendin nga corrupsioni edhe krimi qe te zhvillohet vendi yne qe duam.