Türkiyəli jurnalist 'Qarabağ'a görə üzr istədi - BAKU TV

Türkiyəli jurnalist "Qarabağ"a görə üzr istədi - BAKU TV

Aktual xəbərlərimiz

Baku TV dünyanın hər yerindən ən aktual və mühüm xəbərləri yayımlayan xəbər agentliyidir. Öz məzmunumuzdan əlavə, müəllif hüququ ilə qorunan xarici məzmundan istifadə etməyimiz kommersiya məqsədi daşımır.

“A Spor” telekanalında yayımlanan “Son Sayfa” verilişində "Qarabağ"ı Ermənistan komandası kimi təqdim edən Türkiyənin “Sabah” qəzetinin köşə yazarı, idman jurnalisti Gürcan Bilgiç Azərbaycan xalqından üzr istəyib.
Jurnalist bildirib ki, yorğun olduğu üçün "Qarabağ" sözünü səhv başa düşüb.
"Əziz bacı və qardaşlarım, qəzəbinizi başa düşürəm. Canınız sağ olsun. Gecə saat 01:30-da günün yorğunluğundan ağlım qarışdı. "Qarabağ", "Qaradağ" deyərkən bir xəta etdim. Qüsuruma baxmayın. Sizi qırmışamsa, üzr istəyirəm. Haqqınızı halal edin" - deyə G.Bilgiç sosial şəbəkə hesabında paylaşım edib.
Xatırladaq ki, Gürcan Bilgiç verilişdə aparıcı Melike Çelikin klubların adlarını sadalamasından sonra ““Qarabağ” Ermənistan komandasıdır?” sualını verib. Aparıcı isə dərhal onun səhvini düzəldərək “Azərbaycan komandasıdır” deyə cavab verib.
Qeyd edək ki, Gürcan Bilgiçin bu səhvi sosial şəbəkələrdə böyük müzakirələrə səbəb olub.

Sosial şəbəkələrimiz

© 2022 © All Rights Reserved ℗ Baku TV

Türkiyəli jurnalist "Qarabağ"a görə üzr istədi

#bakutv #Turkiyelijurnalist #Qarabag #xeberler #news #bakutvxeber #bakutv #bakutvnews #xəbərlər