Top News- Prej 3 ditësh në luftë me flakët në Sazan/ Zjarr e tym, situata kritike, jepet alarmi

Ishulli i Sazanit prej 3 ditësh vijon të jetë i mbuluar nga tymi e flakët e një zjarri të rënë që të shtunën. Ndonëse në ditën e tretë të tij, zjarri vijon të shkrumbojë sipërfaqe të mëdha toke e pishash shekullore, teksa për të shuar flakët në terren janë forcat e armatosura të pajisur me mjete rrethanore.
Ndërkohë ministri I Mbrojtjes Niko Peleshi, këtë të hënë ka reaguar lidhur me situatën në Sazan, teksa e konsideron situatën si kritike.

“Prej orëve të para të ditës ka rinisur puna për shuarjen e zjarrit në ishullin e Sazanit. Situata vijon të jetë kritike, pasi flakët përhapen për shkak edhe të erës. Është shtuar numri i efektivëve që janë angazhuar në aksionin e shuarjes së zjarrit, me pjesëtarë të Flotiljes Detare në Pashaliman, efektivë të Forcave Speciale, zjarrfikëses së Vlorës dhe vullnetarë. Tymi i krijuar rrezikon qëndrimin në zonë, ndërsa përpjekjet po vijojnë për të mbajtur situatën nën kontroll”.
Dyshohet se shkak i zjarreve në Sazan janë papërgjegjshmëria e pushuesve që shkojnë me mjete të vogla dhe pa leje, dhe ndezin zjarre për ushqimet e tyre. Një tjetër problem për në ishull shihet numri I pakët I ushtarëve që ruajnë atë, të cilët për shkak të numrit të vogël, e kanë të pamundur të kontrollojnë të gjithë ishullin.
Nga ana tjetër ministria e Mbrojtjes ka ngritur alarmin se në ishull rrezik paraqesin dhe municionet e pashpërthyera.

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Subscribe to "Top Channel" on YouTube Channel for NEWS and TV
#Sazan#Zjarri#TopChannel