Aksident i rëndë në Korçë, humb jetën një grua

Një aksident i rëndë me një të vdekur ka ndodhur mbrëmjen e sotme në aksin rrugor Korçë-Bilisht, raporton A2 CNN.

Dy mjete janë përplasur kokë më kokë në afërsi të fshatit Zemblak, duke sjellë vdekjen e menjëhershme të pasagjeres që udhëtonte në njërin nga mjetet e përfshira në këtë aksident, trupi i së cilës ndodhet akoma brenda mjetit.

Paraprakisht, sipas policisë, njëri nga mjetet ka kryer manovër të gabuar, duke sjellë përplasjen e rëndë me pasojë vdekjen e një pasagjereje.

Burime shtojnë se viktima jetonte dhe punonte në shtetin grek dhe prej disa ditësh ndodhej pranë familjes për festat e fundvitit. Ndërsa ditën e sotme, ajo po kthehej në vendin fqinj.

Nga përplasja ka edhe të plagosur të tjerë, të cilët po marrin ndihmën mjekësore në spitalin rajonal të Korçës.

[EmanuelaHoxha-jb]

O zote i madh na ruaj !😢😢 o zot ruaji te gjithe te rinjte kudo qe jane 😢😢