Stacy Punte - Lal Isua kan thiantha berin(KHB No 133)

Показать описание

Channel dang a lo upload chhawn leh lyrics video siam lo hrâm turin kan in ngen e:-)

#stacypunte

Stacy Punte

Рекомендации по теме

Комментарии

“ what a friend we have in Jesus” you sing it in such a beautiful natural setting. I love the gentle music and singing. Much Love from Canada 🇨🇦

del.friesen

Van Lal lunghlu cover ngaithla chak ve zawng in like

mamyeeaineh

A chhiar peih tan👇🏻

LAL ISUA KAN ṬHIAN ṬHA BERIN (KHB 133)
- Omega Vanlalduata
Ṭum khat chu sumdawng hausa tak mai pahnih hi Port Hope-a Ontario kawtthler sirah hian an lo titi a; chutih lai chuan an bul lawkah mi pakhat, thing kihna hmanrua leh a hnathawhna thuam nena inbel chu a lo kal a, a hlim hmel em em mai a. Sumdawng hausa pakhat chuan, “Saw mi saw tu nge ni? Ka thing kittu tur hlawhfa rawih ka duh a, sawtianga thing kihna nena hlim taka zai vel thei chu chhawr ka duh a ni, ” tiin a ṭhianpa hnenah chuan a sawi a. A ṭhianpa chuan, “I chhawr thei lo vang, ” tiin a chhang a. Chu sawmdawng chuan a chhan a zawh chuan, “Hlawh pek tur i neih avangin a thawk duh lo vang; mi rethei leh chanhai te, piangsual leh mahnia thawk thei lote tan lo chuan hna a thawk ngai lo, ” tiin a chhang a! He thing kittu an sawi mek hi Pu Joseph Scriven a ni.

Joseph Sriven-a hi kum 1819 khan Ireland-a Dublin khawpuiah a lo piang a, pa hi British Royal Marines-a captain ni ṭhin a ni. Pu Scriven hi London-a Trinity College aṭangin a graduate a;
hemi hnu lawk hian zirtirtu a ni nghal bawk. Hetih lai hian hmeichhe hmangaih em em mai a nei a, chu nula nen chuan inneih ngei pawh tumin ruahmanna tam tak an siam dun a. An ram ngeia inbenbela khawsak zui dan tur pawh an
ruahman sa vek a. Mahse, vanduaithlak tak maiin an inneih hma ni-ah a nupui tur chu tuiah a tla hlum palh ta hlauh mai a; a duhthusam ṭhin chu eng mah loah a chang ta vek a ni!

A lusun khawharna chuan ni tin a hneh zel avangin nun thara bul ṭan turin Canada-ah a pêm ta ngawt mai a. Canada-a Rice Lake-ah chuan in leh lo dinin nun tharin a nung leh ṭan ta a ni. Eng emaw chen hnuah chuan hmeichhe pakhat, fel em em mai Eliza Rice nen an intawng a. Mahse, Pu Scriven-a vanduaina a kal tluang a, an inneih nan chawlhkar tlemtê chiah a awm tawh tihah Eliza Rice chu a damlo vak mai a, rei pawh an enkawl hmain Pu Scriven-a tilungngai zual turin a boral
leh ta mai a.

Hetiang khawpa vanduainain a tlakbuaka a lungngaih lai hian a innghahna awm chhun chu Pathian a rinna chauh a ni. Chu chu amah pawhin a chiang hle a. Bible a chhiar leh a ṭawngṭaina aṭangin Pathian thu chu inhnemna leh thlamuanna atan chauh hman tur a ni lo va, chu chuan Palai hna, rawngbawl tura kohna a keng tel a ni tih a zir chhuak tel a.

Chuti chuan, kum lamah chuan vanglai hmang chho tur chiah kum 25 leka upa Joseph Scriven chuan khawvel thil a neih zawng zawng a hralh fai vek a, chuta a sum hmuh chhuah zawng zawng chu ṭanpui ngaite hnenah a pe vek a. A thil neih zawng zawng mai ni lovin a nun ngei pawh chu mi retheite, hmeithaite, rualbanlo leh ṭanpui ngaite tan hmangin a inhlan fai vek a; a ṭul apiang a thawhsak a, hlawh a la ngai lo!

Chutia mi dangte tana kum 10 vel lai mai a hun leh a thil neih a hlan hnuah chuan a nu chu a damlo na hle mai tih thu a dawng ta tlat mai a. Mahse, an ram lam hawa a nu hmu tur leh ṭanpui turin pawisa pakhat mah a nei si lo va; chutah chuan a lungngaihna a zual sauh a, a nu hnena kal a châk bawk si, kalna tur nei bawk si lo chuan a chanchin lungchhiatthlak tak chu a nu inhnemna atan hla thu hmangin a ziak chhuak ta a; “Amah tluk ṭhian hlu leh rinawm, Min pui tur kan hmu lo vang”
tiin, “Lal Isua kan ṭhian ṭha berin” tih hla mawi leh ropui zet mai hi kan lo neih phah ta a ni!

He hla a ziah chhuah hi a ṭhianpa chuan a lo hmu a, tu phuah nge tia a zawh chuan, “Pathian nena kan phuah, ” tiin Pu Scriven chuan a chhang mai a ni an ti. A phuahtuin a nu inhnemna atan chauha a phuah a nih laiin, a ṭhiante chuan music publisher hnenah an thlen a, kum 2 a ral meuh chuan American dan hre mi Charles C. Converse-a thlûk siamsak a lo awm reng tawh a ni. Rawngbawltu ropui DL Moody khan he hla a hmuh hmasak ber ṭum hian mite thinlung hneh thei tur khawp hla nia hriain a ring ngam nghal a, chu chuan nasa takin a tilar a, Pathian pawhin a mite hruai let nan a hmang nasa hle bawk.

Kum 1886 khan vanduaithlak takin Joseph Scriven hi Candian Lake an tihah a tla hlum palh hlauh mai a; a hlain khawvel pum a tuam chhuak a ni tih chu a ṭhian ṭha ber Isua kianga chêngin van lam aṭangin a hre ve chauh a ni.

omegavanlalduata

Lal Isua kan thian tha berin,
Kan mangan laiin min lawm;
Amah hnenah kan tawngtaiin,
Kan thlen apiang hi a pawm.
Muanna tam tak kan chan fo va,
Lungngaih mangan kan tuar thlawn;
Engkimah Lal Isua ringa
Kan tawngtai loh avangin.

Thil hreawm leh thlemna tawkin,
Buaina lo awm bawk sela;
Tuilairapa lungngaih aiin,
Isua lam tawngtai ila.
Amah tluk thian hlu leh rinawm,
Min puitu kan hmu lo vang;
Kan sual kan chak lohna zawng zawng,
A hre vek tawngtai ilang.

Rilru lamah chaklo ila,
Mangan ritphurh neih pawhin;
Isua hlu hi kan humhimna
Lamah tawngtai ilangin.
Chhungten min tuithlar mah sela,
Thianten min hmusit sela;
Isua hnenah thu thlen ila,
Kan phaw hian min thlamuan ang

KLalruatfeli

Kristian hla bu a ka hla duh ber mai, i zaithiam in i sa nalh hle mai👍🏻👍🏻

vanlaltharijahau

min hnen lutuk... halelui ah... lalpa ropui ber rawh se....

francisjr......

U Stacy ka ngaisang lutuk che a I aw chu thuhran nise..kum naupangte ni sia, I theihtâwpa Pathian faka I zai hi ka ngaisang leh zual lutuk che.Pathian pawh hian a chawimawi takzet che ani tih hi i zai nung tak atang hian ka hria a ni. He hla I sak atang hian hlawkna tam tak ka chhar chhuah phaha ka lawm tak zet a ni. ❤☺

Nunuichenhrang

Rilru lam ah chak lo mah ila mang an ritphur nei mah ila ti lai khi ka ni na chiah ka lawm e o stacy khi hla khian min ti chak ani
AMEN

laldintluangapachuau

Kristian hla ah chuan analh in a tha ber mai.. Nitin min kaihruaitur a tan

TheBluesPialtu

Va han zaithiam tak em aw. Mizo Hmeichhia (Gospel) ah chuan i thiam in, i zai nung ber ṭhin anih hi . I incheina pawh tute tan pawha ennuam tur leh mawi tawk chiah ani bawk si a.

duhawmasept