Kiyevi qoruyan 'möcüzə' - BAKU TV

Показать описание

Kiyevi qoruyan "möcüzə" - BAKU TV

Aktual xəbərlərimiz

Ukraynada genişmiqyaslı hərbi əməliyyatın başlanğıcında Rusiya ordusunun Kiyevi ələ keçirə bilməməsinin səbəbi paytaxtın su maneələri ilə əhatələnməsi idi.
Bu barədə hərbi ekspert Oleq Jdanov deyib. Onun sözlərinə görə, Jitomir şosesi istiqamətindən Rusiya hərbçilərinin irəliləməsinə İrpen çayı mane olub.
“Bu çay tarixdə artıq neçənci dəfədir ki, Kiyevi düşmən basqınlarından xilas edir”, - deyən Jdanov həmçinin paytaxtın Pobeda prospektində, "Beresteyskaya" metrostansiyası yaxınlığındakı döyüşdən danışıb.
“Daha sonra Stoyanka qəsəbəsindəki körpü partladıldı və Jitomir şosesi ilə nəqliyyatın hərəkəti dayandırıldı. Ardınca İrpen çayı üzərindəki sağ və sol istiqamətində olan körpülərin hamısı məhv edildi. Üstəlik, Kiyev su anbarında suyun səviyyəsinin qalxması səbəbindən İrpen çayı üzərindəki bənd dağıldı və Demidov kəndi su altında qaldı. Bu çay demək olar ki, həm bizim, həm də qarşı tərəfin atəş xəttinə çevrildi. Sonra bizimkilər İrpendən keçərək işğalçıları Buçadan, İrpendən, Vorzeldən vurmağa başladılar. Orada çox şiddətli döyüşlər getdi və Rusiya hərbçiləri Kiyevə daxil ola bilmədilər”, - deyə o qeyd edib.
Hərbi ekspert Rusiya qoşunlarının böyük itkilər verdiyini və maddi-texniki təchizatla bağlı ciddi problemlər yaşadığını da xatırladıb.
“Ukraynalı müdafiəçilər qarşı tərəfin minlərlə texnikasını darmadağın etdi. Bundan sonra Rusiya ordusu şimal vilayətlərindən geri çəkildi. Başa düşdülər ki, yalnız bir istiqamətə cəmləşmək lazımdır", - deyə Jdanov fikrini tamamlayıb.

Sosial şəbəkələrimiz

© 2022 © All Rights Reserved ℗ Baku TV

Kiyevi qoruyan "möcüzə"

#kiyevi #qoruyan #mocuze #xeberler #news #bakutvxeber #bakutv #bakutvnews #xəbərlər #qarabag #qarabagda #veziyyet #qarabağda #vəziyyət