Ora News - SPAK nis punën te Krimet e Rënda, Kraja fjalëpak: Koha për punë, jo për llafe

#rtvora #oranews

Prokuroria e Posaçme Antikorrupsion, e njohur ndryshe si SPAK, nisi sot zyrtarisht punën.

Tetë prokurorët e kësaj prokurorie të betuar një ditë më parë te Presidenti me një krye kryetarin e zgjedhur nga KLP, Arben Kraja, u paraqitën këtë të premte në Prokurorinë e Krimeve të Rënda për ditën e parë të punës.

Prezantimin e kreut të SPAK, Arben Kraja, e bëri vetë kreu i KLP-së, Gent Ibrahimi.

Ibrahimi: Është moment historik për të gjithë ne.Fillim viti do të jetë intensiv për të gjithë ne.

Ndërsa vetë Kraja teksa falenderoi anëtarët e KLP-së që i dhanë besimin me votë por edhe ata që votuan për dy kandidatët e tjerë, nuk preferoi të zgjatet shumë.

Kraja: Do të bëjmë një skuadër shumë të fortë. Koha është për punë dhe jo për llafe.

Prokurori i Prokurorisë së Përgjithshme, Arben Kraja, mori 6 vota nga anëtarët e KLP nga 4 vota që mori Altin Dumani. Ndërsa kandidati i tretë, Edvin Kondili mori vetëm votën e kryetarit të KLP, Gent Ibrahimi.

Anëtarët që votuan pro Krajës ishin Bujar Sheshi, Kosta Beluri, Alfred Balla, Vate Staka, Nurjan Seiti dhe Sandër Beci.

Ata e shpjeguan votën pro me faktin se Arben Kraja ka eksperiencë në menaxhimin e burimeve njerëzore.

Të mërkurën tre kandidatët paraqitën platformat e tyre për drejtimin e Prokurorisë së Posaçme Antikorrupsion, e cila e nis punën me 8 anëtarë, por sipas kreut të SPAK tashmë ka hapësira ligjore për ta plotësuar dhe me prokurorë të tjerë.

Kraja: Do të vlerësoj mundësitë ligjore që më jepen për të plotësuar dhe realizuar një numër sa më optimal të SPAK.

Follow RTV Ora