'Dünya müəllim mükafatı'

Dünyanın ən böyük mükafatlarından olan və müəllimliyin “Nobel”i adlandırılan Dünya müəllim mükafatı

Mükafat qərargahı Londonda yerləşən Varkey fondu tərəfindən 2013-cü ildə təsis olunub.
Üstünlük verilir: Həftədə ən az 10 saat uşaqlarla üz-üzə dərs aparan və növbəti 5 il ərzində müəllimlik peşəsində qalmağı planlaşdıran müəllimlərə
Namizədlər arasında ilk öncə 50, daha sonra 10 finalçı seçilir.
Qalib isə 1 milyon dollar qazanır.

Kimlər iştirak edə bilər:
1. Yaşı 18-dən az olmayan
2. Hazırda müəllim vəzifəsində işləyən
3. 5-18 yaş arasında şagirdlərə təhsil verən müəllimlər
4. Məhkumluğu olmayan şəxslər

Mükafatı qazanmaq üçün tələb olunan əsas meyarlar:
1. Qlobal miqyasda təhsilin keyfiyyətinə təsir göstərə biləcək effektiv təlim üsullarını tətbiq etmək;
2. Məktəb, cəmiyyət, həmçinin ölkənin əsas çağırışlarına yönəlmiş yenilikçi təlim metodlarını seçmək;
3. Ətrafındakı şəxsləri müəllim peşəsinə yiyələnmək üçün təşviq etmək;
4. Tədrisin səviyyəsini qaldırmaqla, digər həmkarlarına qarşılaşdıqları çətinliklərdə kömək etməklə bu peşə nüfuzunun qaldırmaq;
5. Unikal və bənzərsiz müəllim modelinə təkcə sinifdə yox, cəmiyyətdə nail olmaq (xeyriyyəçilik, akademik, mədəni və idman sferasında müvvəffəqiyyətlətr);
6. Müxtəlif ölkələrdən din, mədəniyyət, və milli mənsubiyyət fərqi qoymadan hər kəslə unsiyyət qura biləcək qlobal vətəndaşlar yetişdirmək;
7. Cəmiyyətdə bu peşəni seçənlərin sayının artırılması məqsədilə xüsusi töhfələr vermək (məqalələr yazmaq, bloqlar yaratmaq, tədbirlər, konfranslar, sosial media üzərindən kampaniyalar, təşkil etmək)
Namizədlərin işlədikləri təhsil müəsisəsinin rəhbərliyindən rəy alması mütləqdir. Rəy əvəzinə müəlllim barədə rəhbərliyin, həmkarlarının, şagirdlərinin, digər şəxlərin həmin müəllim barədə fikirləri video yazılar şəklində göndərilə bilər.