AQSh Kongressi Tramp g‘alabasini tasdiqladi

Qish qahratoni va qor bo'roni tufayli federal idoralarda ish kuni bekor qilinganiga qaramay, bugun - 6-yanvar sanasida AQSh Kongressi 2024-yil saylovida respublikachi Donald Trampning g'alabasini tasdiqladi.

Trampning qasamyod marosimi 20-yanvar kuni bo'lib o'tadi va u shu kuni Oq uyga ko'chib o'tadi. Ayni damda AQSh Kongressida ham Senatda, ham Vakillar palatasida respublikachilar ko'pchilikni tashkil etmoqda. Bu Trampga boshqaruvda yengillik beradi, xususan, solilqlarni qisqartirish va noqonuniy immigratsiyaga qarshi kurash borasida.

Kongressda shtatlar kesimidagi yakuniy saylov natijalari hisobotini vitse-prezident olib boradi. Shu tartibga ko'ra, Harris o'z mag'lubiyatini shaxsan o'zi tasdiqlab borishi kerak bo'ldi.

Bundan roppa-rosa to'rt yil avval - 2021-yilning 6-yanvar kuni Kongress Jo Baydenning g'alabasini e'lon qilayotgan paytda Tramp tarafdorlari qarorni bekor qilish uchun Kapitoliy binosiga bostirib kirgan, bir necha o'limlar qayd etilgan edi. Tramp Oq uyga qaytishi bilan ana shu bosqinda ishtirok etib qamalganlarning ayrimlariga afv e'lon qilishni rejalagan.