Fagur Fiskur - Sveinn Kjartansson og Áslaug Snorradóttir

Þessi skemmtilega og óvenjulega matreiðslubók hefur að geyma uppskriftir og fróðleik úr sjónvarpsþáttunum Fagur fiskur. Markmið þáttanna er að auka fiskneyslu og sýna fólki fram á að matreiðsla á fiski er spennandi en um leið einföld, hvort sem um er að ræða veislurétti eða hversdagsmat. Í gnægtakistu hafsins eru alþekktir fiskar jafnt sem fáséðir, skelfiskur og sjávargróður, og hér er öllu breytt í fjölbreytilega og gómsæta rétti sem allir ættu að geta töfrað fram.

Sveinn Kjartansson matreiðslumeistari og Áslaug Snorradóttir ljósmyndari stóðu ásamt fleirum að gerð þáttanna og unnu bókina upp úr þeim. Mikill fjöldi skemmtilegra ljósmynda og teikninga er í bókinni.