Polşada təhsilinin saxlayıb, Ukranyada döyüşən azərbaycanlı

Показать описание

Həsən Məmmədov Ukranyada Rusiyaya qarşı döyüşən azərbaycanlılardan biridir.Ukraynada müharibə başlayan ilk günlərdən Polşanın Ukrayna ilə sərhədinə gələrək, könüllü kimi ukraynalı qaçqınların qəbulunda, ərzaq və yaşayış yeri ilə təminatında və s. yaxından iştirak edib. Qaçqın düşərgələrində könüllü olaraq çalışıb və əlindən gələn köməkliyi göstərib. Lakin bununla işini bitmiş hesab etməyib, özünü ön cəbhəyə, Ukraynanın apardığı mücadilənin ən qaynar nöqtələrinə atıb. İlk günlər paytaxt Kiyevin müdafiəsinin təşkilində iştirak edən Həsən, daha sonra könüllü birliklərin tərkibində Kiyev ətrafında gedən döyüşlərdə, xüsusilə də ən ağır vəziyyətin olduğu İrpen və Buça şəhərlərindəki döyüşlərdə iştirak edib. Bir çox əhəmiyyətli əməliyyatlara qatılıb. Martın 17-də 28 yaşı tamam olan Həsən ad gününü də səngərdə, döyüşlərdə keçirib.
O, İkinci Qarabağ Müharibəsinin ilk günlərindən könüllü kimi döyüşlərdə iştirak üçün bir neçə dəfə hərbi komissarlığa, hərbi səfərbərlik şöbəsinə müraciət edib. Lakin döyüşlərdə iştirak etməyib.
17 mart 1994-cü il tarixində Naxçıvan şəhərində anadan olan Həsən 8 nömrəli məktəbi bitirib. İki ali təhsili var. Təhsilini Polşadakı ali təhsil müəssisələrinin birində magistr səviyyəsində davam etdirir.