Azərbaycan və Türkiyə komandalarının birgə hazırlıq prosesi

Azərbaycan və Türkiyənin sərbəst güləş üzrə gənclərdən ibarət milliləri birgə təlim-məşq toplanışı keçib.

Mayın 10-da start götürən birgə hazırlıq prosesi 2 həftə davam edib. Bakıda keçirilən TMT zamanı həm fiziki, həm də taktiki-texniki hazırlıq üzrə çalışmalar həyata keçirilib. Olimpiya Güləş Mərkəzində baş tutan birgə toplanış hər iki komanda üçün faydalı alınıb.

TMT iyunun son günlərində Almaniyanın Dortmund şəhərində keçiriləcək gənclərin Avropa çempionatına hazırlıq xarakteri daşıyıb.