“Hipoteka e Vlorës, turpi i PS-së”/ Rama kërkon që qyteti të largohet njëherë e mirë nga plehrat -

Kryeministri Edi Rama deklaroi se mënyra si është menaxhuar hipoteka e Vlorës, është një turp për Partinë Socialiste.Gjatë takimit me qytetarët e Vlorës, 70% e të cilëve votuan për kandidatin socialist Ermal Dredha, lideri i mazhorancës Rama u kërkoi drejtuesve të Partisë Socialiste të lexojnë me përulje votën e 14 majit e të ndryshojnë mënyrën se si përdorin pushtetin.EDI RAMAKRYEMINISTER I SHQIPERISE“ Në çdo bashki ka mësime të mëdha, se ne nuk e kemi marrë votën për Hipotekën e Vlorës.  Hipoteka e Vlorës është turpi i PS së Vlorës, është turpi i PS së Shqipërisë. Mund të marr edhe shembuj edhe nga qeveria qëndrore për njerëz që na kanë turpëruar.” Kërkesa e parë e shefit të qeverisë, Rama, për kryetarin e ri të bashkisë është pastrimi i Vlorës.“Duke filluar nga ky sezon, çdo ditë kryetari i bashkisë me të gjithë të tjerët duhet të dalin të pastrojnë Vlorën. Bashkë me deputetët, merrni një uniformë të pastrimti dhe punoni 8 orë për pastrimin se Vlora duhet të largohet njëherë e mirë nga plehrat.”Sipas kryeministrit Edi Rama, të gjithë drejtuesit e PS në pushtetin vendor duhet të dëgjojnë njerëzit, problemet e tyre e të mbajnë hapur dyert e bashkisë për ta.“Të gjithë kryetarët e bashkive duhet të fiksojnë në kokë që pika e parë e programit duhet të jetë njerzillëku”Më herët shefi i qeverisë, Rama, takoi edhe banorët e Selenicës, të cilëve u premtoi një qasje ndryshe në drejtimin e pushtetit vendor në 4 vitet e ardhshme.

[dhioniscobanaj]

Do kete uje apo jo se vajtem 30 vjete nuk mbajme mende te vije uji lere pa pompe po dhe me pompe dite qe nuk vjene fare te merre friks te vishe ne shtepi