JONATHAN LIANHNA - NUN ṬOBUL (Official Music Video)

He hla tlawm tak kaltlang hian Lalpa’n ngaithlatute thinlungah hna lo thawk sela, Lalpa chauh ropui ber rawh se.

VIDEO - CONFLATE VIDEO
AUDIO - SONIC RECORDS (Opa Punte)
DIRECTOR - UNCLE JOE
2nd VOICE - SHALOM VANLALVENI
STARRING - ZD VANLALRUATI


He Video hlawhtlinna tur atana theihtawp min chhuah puitute chungah thinlung takin lawmthu ka sawi a. Tin, he video atan hian ka nu leh pate , ka chhungkuate inpekna a thukin, a hlu ka ti hle mai, Ka pa meuhin phur takin lan ve a remti a, a fapa min supportna ah hian ka lawm hle mai.. Lalpa’n a let tam takin malsawm vek che u rawh se.

Special Thanks :-
Vanlalhruaitluanga
Sena (Sena Sumo)
Zothana & Hlimhlimi
Lalrempuii (Remremi)
Sangpuia Khiangte
Lucy Malsawmkimi
Madina Chhakchhuak
Mawizuala Fanai
KT Bakery Farm

[jonathanlianhna]

1.Vawiin ka buaina hian kumkhua a daih dawnlo,
Ni thar a lo chhuak a, hunin herliam pui ṭhin,
Hnah hlui an ṭil zova, hnah thar lo chawr ang hian,
Hringnun pawh hian rahbi thar a kâi leh ṭhin.

Ka nun ṭobul i ni, Lalpa i ta ka ni,
Hmalam hun thlir thiamlo,
Thlir thui theilo ta chu,
Eng nge min hmuak?
Tu’n kan hre phak silo,
Ka tun hun leh hma hun pawh Lalpa nangin nei rawh.

2.Zârtin tliak tawh mah hian ṭhan rêng ṭhulh lohva,
Chawmtu ringa nungin pârmawi chawi leh theih chuan,
Duhtaka siamtu duan, a lunglai luahtu hi,
Lalpa’n min chawm, ka ṭhan ṭhulh a phal silo.

3.Vanglai a ral anga, hâi ang ka la tar ang,
Chakna a chuai anga, famkhua ka hnaih hun paw’n,
Ka buaipui ṭhin Isua’n min chelh reng dawn ka hria,
Hei hi a ni, nun thuruk chatuan daih chu.

He hla hi 6 December, 2022 a Lalpa min pek a ni a, ka nuna ka hun tawn kaltlanga Lalpa min pek a ni a, ka testimony atan chauha Lalpa min pek a ni lova, ngaithlatu zawng zawngte tan Lalpa’n keimah kaltlanga a pek che u niin ka hria, chuvangin sa ve duh kan lo awm anih chuan kei min dil a ngai lova, Lalpa ropui nan a duh apiangin lo sa ve rawh se.. Lalpa a ropui chuan a tawk mai e..

Mihring kan nih chhung hian buaina hrang hrang kan neia, kan hmachhawn a ṭul fova, ṭhang thei tawh reng renglo, hmasawn zawnga kal theilo anga in ngaih chang a awm fo thin, mahse Lalpa hian min chawm renga, a hmangaih hi kan ṭhan ṭhulh mai a phal lo.

Kan vanglai chakna te hi nakinah chuan a la chuai anga, thih sual hiala kan awm hunte pawh a lo la thleng ang, mahse chutah tak chuan vawiina kan buaipui ber hian thlamuanna min pe angem?
Isua buapui hi chatuan daih, nun thuruk, thih dawn thlenga thlamuanna min pe theitu a ni tih a fiah dawn chauh a ni..

Vawiina hlim taka kan awmpui rengte pawh ni thar a lo her chhuah meuh chuan an thih thu te kan hre leh dawt a, kan hmalam hun pawh thlir thiam theilo, engin nge min hmuak pawh hre lawk theilo mihringte kan nih miau avangin kan tun hun leh hma hun Lalpa kuta dah a ‘Lalpa nangin nei rawh’ tih mai hi a van pawimawh êm..

[hmachhuanabawihpuia]

Tun ah hian...no4 suffer in ka awm mek a...he hla hian min pui khawp mai😢..cuan k comment hmutu zawng2 ten k hngei hlen theih man min lo tawngtai pui dwn nia🙏🙏

[marinalalniengisailomarina]

Ka fanu kum3 mi hian he hla hi en reng zel a a comment na tarlan ka duh ve hrim...Apa khan bye2 ka lo haw leh vat ang dragonfruit ka lo hawn dawn che nia atia afanu kha akal velo a motorin asu a ka khawngai em mai ngatinge Dawnfawh kha a hawn loh le atia a en reng zelll

[flaltlanropuia]

Jona suffer a nun Ning ngawih2 khawhartaka hringnun kahman laiin he hla hi kangaithla a..tap zawih zawih in Lalpa ita kani katitheita😭😭

[josephkapremlal]

Bro Jonathan I am from Manipur, I battled with depression, sometimes I live a hopeless life. But your song give me hope again. Thank you❤. My faith in Jesus will never fade away.

[zarajongte]

NUN TOBUL
( Lyrics in English Version )

ROOT OF LIFE

1. Today's trouble will not last forever,
A new day dawns, and new leaves sprout,
Even our lives enter into new seasons.

CHORUS:

You are the root of my life, Lord I am yours,
Not knowing how to behold the future,
Not having any foresightedness,
What is awaiting us? No one is able to perceive,
My Present and my future, Lord, have all of it.


2. Although every branch may be broken, yet it never ceases to grow,
Sustained by faith in the provider, capable of blooming again,
Fondly designed by the creator, The one who dwells in His heart,
The Lord sustains, He never forbids me to grow.

3. Youthful days shall fade away and like an old tree,
My strength will get weary, as I get closer to eternity,
Jesus, the one I pursued, I know will always hold on to me,
This is the secret of life, an everlasting one!

[matlanakhawlhring]

He la hi, ka fapa kum 7 hian a duh em em a, , a muthilh dawn hian ka hla duh ber a tia a nu hian a play sak a, tui takin a muhil thin, , mahse min vel tu mai a la ni dawn si, , tun ah hian kafa hian Thisen Cancer a vei mek a, , zanin hian hreh tak chungin ka ngaithla a, , a awm dan mek leh he hla thu hi a lo in mil bawk si, , he hla hmang hian Lalpan damna pe mawlh se ka van ti em

[Zorema.Khiangte]

Lalpan ropui rawh se🙏..Lalpan malsawm mawlh rawh se🙏

[moiteiipachuau]

Vawi tam tak ka ngaithla ta.. Cancer natna avanga Chemotherapy treatment la mek ka ni... He hla hi ka in hnemna leh ka tawngtaina a ni e 😢 Jona.. Mi dangte tana malsawmna lo ni zel ang che.. Lalpa ropui ber se 🙏

[rintei_hmar]

“Ka buaipui ṭhin Isuan min chelh reng dawn ka hria”😇🤍 a va'n nung tak Pathian hnaih zel chakna min pe🙌🏼 a lo la ngaithla tur te Lalpan he hla hmang hian malsawm zel rawh se❤

[klalhmangaihsangikarla]

he hla hi ka tan hian ava han tha tak em, Fapa ka neih atanga karkhat na ni ve tawh a mahse apian hlim tang icu ah zaipui tawkin a awm mek a, kan hun tawn choh leh kan hma hun kan hriat loh zia hi mihring dudan leh remruat chu eng a nih loh zia hi kan hrechiang khawp mai, Pathian ah bak mangan taktak chuan in nghahna tlak alo awm lo tih hi atak in kan tawng cho a, thih suala ka fapa anat laia sualin min hneh a tum zia leh Kan tana Pathian that zia hi, Kan fapa chu icu tang la chhuak lo mahse Pathianin min awmpui tlat dawn ani tih ka hria a, hmasawn na kan hmu ve hret hret zel e, min lo tawngtai pui theuh dawn ania

[ABG]

Thla hmasa lawk khan hun khirh tak tawkin.. chumi aṭang chuan Pathian ropui zia i hla, Kum hmasa lama i tih chhuah tawh "Lalpa a ṭha" tih khan nasa takin min khawih a, kan ṭahpui nasa in Pathian ropui zia i hla hmangin kan hmuh chhuah phah nasa hle.... Tukinah tuna i hla ka ngaithla fuh leh chiah chuhhh!!!! patling mah ni ila a ṭah loh theih loh... 😪😪😪😪.... Pathian in malsawm che in, hla ṭha deuh deuh pe zel che rawh se🙏🙏🙏🙏🙏

[Uatizote]

Mi zawng zawngin an ngaithla deuh vek tawh ang tih hnu hian ka ngaithla a.... Hei aia testimony ropui hi atam dawnlo hle mai... Ka ţah phah, , , keimah ah hian anung hle.. Hmalam hun thlir thiamlo, thlir thui thei bawk silo... Engin nge mmin hmuak lah kan hre heklo...
Kan nun hi Lalpa hian alo neih hian alo dik vek mai.. Aropui lutuk.. Amen❤🙏🙏🙏

[ruatpuiatlau]

A ropui a ngaihthla zing tulh tulh a, a ropui tulh tulh a ni.... Chang tin leh a thunawn hi a ropui a ni. PATHIAN țhat zia hi aw...Lalpa ropui rawh se

A satu hian a thiam bawk si

[wandythomtemizo]

He hla meuh chu thinlung chungril a dek hle mai, ngaithla kham thei lo, he khawvel a ka mal lo zia ka hriat phah zel bok a, ka nu leh ka pa ka unau ten min kal san vek toh mahse ka mal lo pathian in min awm pui zia ka hre chhuak lalpa ka lawm e aw, asa tu lah in athiam rapthlak bok si a ❤Amen

[RemruataRalte-geuv]

Nupui tur atan a ka thlan leh ka beisei em² in ka dinhmun chhiatlai ber in minkal san a. Kohhran vang in a hma in kan inkar a khi a. Ka chhungte rawn in kohhran ah harsatna kan neih loh zia leh an kohhran a lawi a, inkhawm pawh an remtih vek laiin. A chhungte lam chuan kohhran in ang chhungkua ni sa anih loh chuan ti in thu an nei leh a. Ka hmangaih, ka tan a engkim huamve tur leh ka dinhmun chhiat laiber pawh a minfuih ve tur a ka ngaih chuan min kohhran chhuanlam in minkal san a😢😢chuti chung chuan a chhungten min duh theihnan leh ka hnen a arawn let theih nan theihtawp ka chhuahtur thu ka sawi pawh in min bengkhawn duhtawh silo... Ka na a, kei mipa pawh hi ka trap asin😢😢😢depression hial ka neih phah ta si. He hla hian ka nun beidawng leh hlutna neive lo ni a ka inhriatna min chhawk tu ani ta si. Pathian ka dem a, trawngtrai ka tum lo chung in mittui tla zawih² in ka trawngtrai a, pathian hnen a minpe let tur leh minpe let anih chuan a rawng chauh ka bawl tawh tur thu te ka intiam a. Mahse Lalpa hian he khawvel ah hian tihtur minla pe aniang tiin ngaihtuahna min neihtir tu he hla hian minva vel ngun tak em. 😢😢😢

[takajamir]

Big Love from Nagaland.
I had a very fatal car accident three years back that almost entirely costed my life but a due to his Mercy I got a second chance.
It brings me back to tears after all the trauma.
Can't relate more to this song with my full emotion.
May everyone feel blessed with this song.

[laltanliani]

Hallelujah amen Lalpa chu fakin awm rawh se...🙏 ka nuna thil thleng zawng2 hi he hlaah hian tawi fiah tawk takin akim vek sia, ka tan liau2 siam a ang lutuka ka hnuk van tiulh tak em....hmalam hun thlir thiam lo mahse Lalpan min chawma famkhua ka hnaih hnu pawn ka buaipui thin Isua min chelh reng dawn ka hria....😢...hallelujah amen he hla kaltlangin mi tam tak thinlungah Lalpan aduh ang neiin hna thawk mawlh rawh se...😢🙏😢

[leost]

Ka ngaihthlak piangin ka mittui titla reng theitu hla awmchhun ni😢...he hla hi i phuah lo ang tih ka hlau zawk...i kal zelna turah Lalpan kaihruaiin .., malsawm mawlh mawlh che rawh se...❤️❤️❤️❤️❤️❤️❤️

[marylhingneivah]

He hla thu zet hi zawng a ropui ka ti hle mai.... Ka ngaithla kham lo... Kan ram Manipur buai vang hian rilru hah reng reng in May thla atang ka awm tawh a, kan ngaihtuah lo theilo bawk sia ... Mahse i hla hian min thlamuan a, beisei na min pe leh thin ... May God bless you ❤