Rognebærmøll i eple

Rognebærmøll, Argyresthia conjugella, har sidan slutten av 1890-åra vore det alvorlegaste skadeinsektet på eple i Norden. Angripne eple får eit lite hòl i skalet der larvane gneg seg inn. Området rundt hòlet blir nærast svart. Ut av hòlet piplar det litt fruktsaft som tørkar inn til kvitt pudder. Ved sterke angrep kan det bli mange slike hòl i kvart eple. Larvane gneg gangar innover i eplet på kryss og tvers, og i enkelte tilfelle, kan dei gå heilt inn til kjernehuset og ete på frøa. Angripne eple kan brukast til most eller sider, men er lite appetittleg å ete ferske. I enkelte år kan rognebærmøll gje total skade av avlinga, men i år med nok bær på rogna går epla heilt fri.

Video: Erling Fløistad.