ΣΤΑΥΡΟΥΛΑ ΣΤΕΦΑΝΙΔΟΥ • ΤΑ ΣΙΜΑΝΤΡΑ

Σον Πόντον κρούν’ τα σήμαντρα,
ξεριζωμέν’, ελάτεν
Σον Πόντον τον ανάσπαλτον
μίαν κι άλλο δεβάτεν

Σον Πόντον σ’ άγια χώματα,
χωρίς σταυρούς ταφία
Χωρίς ψάλτην, χωρίς ποπάν,
τ’ εμέτερα παιδία

Η Μαύρη Θάλασσα βοά
και σιγολέει το κύμαν
«Εκείνο ο ξεριζωμόν
άδικον έν’ και κρίμαν»

Α’έρτς, Αγιάννες, Σουμελά,
τοι Έλλενους λαλούνε
Κι εμείς τα Ποντιόπουλα
θα πάμε προσ̌κυνούμε