Megas Ef þú smælar framan í heiminn

Ef þú smælar framan í heiminn

Þó dömurnar þínar loks komnar hverfi sem skjótast.
Hvað ætti það í rauninni að bögga þig.
Á sérhverjum ljósum - já og löggiltum bílastæðum,
þær leita á þig nýjar sem sitt vilja ljá þér og sig.

Þú sem lætur hvunndagsraunirnar
ríða þér á slig.
Ef þú smælar framan í heiminn
þá smælar heimurinn framan í þig

Vindarnir þó gnauði og gusti um þig illir
og groddalegar hryðjurnar herji þig á.
Sólin mun skína og skattböðlar týna fælnum
og skuldir þær fyrnast og miðlarinn fer enn á stjá.

Þú sem lætur hvunndagsraunirnar
ríða þér á slig.
Ef þú smælar framan í heiminn
þá smælar heimurinn framan í þig

Verðmæti þín þó vinki og hverfi út í bláinn
og það vitnist ekkert um ferðir þeirra meir.
Hafðu þá rænu aldrei að ætla þér rænu
ekki aðeins í Hveragerði baða menn sig uppúr leir.

Þú sem lætur hvunndagsraunirnar
ríða þér á slig.
Ef þú smælar framan í heiminn
þá smælar heimurinn framan í þig

Nóg er af tárum og takmarkalaust hve þeim rignir
svo tilgangs- og marklausum farvegum að streyma í.
Mundu að þau eru til þess eins að brúka í beitu
og til að bæta veðrið nei vanþörf er sjaldnast á því.

Þú sem lætur hvunndagsraunirnar
ríða þér á slig.
Ef þú smælar framan í heiminn
þá smælar heimurinn framan í þig

Og veröldin hún er flá það er ljóst fyrir löngu
og lífið það hatar þig bæði hátt og lágt.
Því er að vera fremstur í fláttskap og vélum
einatt flaggandi smælinu góða við fjandann í sátt.

Þú sem lætur hvunndagsraunirnar
ríða þér á slig.
Ef þú smælar framan í heiminn
þá smælar heimurinn framan í þig

Kannski þig muni í maðkagilið án tafar
ef manntötur lífið er þér slíkt offermi.
En líttu í kringum þig komdu auganu á það
þeir klára sig best sem sig halda undir meðallagi.

[Helga]

Megas alltaf að segja það sem fólk vill ekki viðurkenna

[hoddigigja]

Af hverju þarf fólk að konfekta á það hvort Megas sé fullur, dópaður, eða úturruglaður karakter..maðurinn er að fara með ljóð eða texta eftir sig..og það er óvitlaust..geri aðrir betur.

[gislisamuelsson]

Maðurinn er snillingur hvað viðkemur Islensku tungutaki og

[gunnarsigursson]

Ég var á þessum tónleikum í MH Frábærir tónleikar, og Megas var frábær. Hann og hljómsveitin hefðu ekki skilað þessu meistaraverki, hefðu allir verið útúrdópaðir.