Ньурба улууһугар маҕаһыыннарга бородуукта сыананы үрдэтиини күүскэ хонтуруоллууллар.

Ньурба улууһугар маҕаһыыннарга бородуукта сыананы үрдэтиини күүскэ хонтуруоллууллар. Улуус салалтата урбаанньыттар сыананы уруккунан туталларыгар күүс-көмө буолар. Араас социальнай ситимнэр нөҥүө маҕаһыыннарга сыана хас да бүк үрдээбитин, сорох бородуукта отой да суох буолбутун туһунан күүркэтиллибит иһитиннэриилэр быыстала суох кэлэллэр. Маныаха нэһилиэнньэ оруна суох “сонуҥҥа” итэҕэйэн хайдах буолуон билбэт. Ол эрэн дьиҥ ис иһигэр киирдэххэ киһи айманар төрүөтэ суох. Холобура биир холобур быһыытынан ыллахха Ньурба биир улахан маҕаһыыныгар бородуукта, бытовой химия толору. Маҕаһыын салалтата табаарын ылар тэрилтэлэрин кытары уруккулуу үлэлии олорор. Сыаналарын эмиэ уруккунан тутан олороллор. Биллэн турар биирдиилээн табаар көрүҥүгэр сыана үрдээһинэ бэлиэтэнэр, ол эрэн бу улуус маҕаһыыннара уһун солокуобайы сырсан сыана көтөҕөөһүннэрэ буолбатах. Поставщик сыанатын үрдэтэрин суотугар маҕаһыыҥҥа табаар “саҥа сыаналанар”. Маныаха улуус салалтата олохтоох урбаанньыттар оҕустарбаттарын туһугар чэпчэтиилээх займнары биэрэр буолуо. Маннык ньыма пандемия бастакы кэмнэригэр олус туһалааҕын көрдөрбүтэ, урбаанньыттар уустук кэмнэри этэҥҥэ аһарыммыттара. Билигин бааннарга урбааны өйүүргэ чэпчэтиилээх кредиттэр бырагырааммалара үлэлээн эрэллэр. Маныаха Ньурба улууһун салалтата тыын суолталаах бородууктанан эргинэр урбаанньыттар баантан ылбыт кредиттэрин бырыһыанын толуйарга тустаах бырагыраамма үөрэтиллэ сылдьар. Онон маҕаһыыннаах дьоҥҥо тула өттүттэн көмө көрүллэ турдаҕына сыана эмискэ үрдүүрэ суох буолуо.

#трснюрба

[АкулинаИванова-чж]

Саахар үрдээбитин аанньа суох буолбут.

[АкулинаИванова-чж]

Оҕо пюрета, сухой үүтмас арыыта барыта үрдээбит.өссө саҥа завоһу хайдах сыаналаныа биллибэт