Türkiyənin Mosuldakı konsulluğuna hücum olub - BAKU TV

Türkiyənin Mosuldakı konsulluğuna hücum olub - BAKU TV

Aktual xəbərlərimiz

Türkiyənin İraqın Mosul şəhərindəki Baş Konsulluğuna hücum olub.
Belə ki, diplomatik nümayəndəliyə 2 raket atılıb. Hadisə nəticəsində ölən və yaralanan olmasa da, ətrafdakı tikililələrə və avtomobillərə ziyan dəyib. Şahidlərin sözlərinə görə, ərazidə yaşayan bəzi ailələr evlərini tərk ediblər.
Türkiyə Xarici İşlər Nazirliyi hücumu qınayaraq, Türkiyənin günahkarların qısa zamanda məsuliyyətə cəlb olunacağını gözlədiyini qeyd edib:
“Biz İraq hakimiyyətini diplomatik və konsulluq nümayəndəliklərini qorumaq üçün öz öhdəliklərini yerinə yetirməyə çağırırıq. Bu hücumun İraq rəsmilərinin çağırışı ilə keçirilən BMT Təhlükəsizlik Şurasının iclasında ölkəmizin haqsız yerə ittiham olunduğu və hədəf alındığı bir vaxtda baş verməsi də düşündürücüdür”.
Bundan əlavə, Türkiyə XİN İraq hakimiyyətini diqqəti terrorizmlə mübarizəyə yönəltməyə və öz ərazilərində qonşu ölkələr və diplomatik nümayəndəliklər üçün təhlükə yaradan terrorçuların mövcudluğuna son qoymağa çağırıb.

Sosial şəbəkələrimiz

© 2022 © All Rights Reserved ℗ Baku TV

Türkiyənin Mosuldakı konsulluğuna hücum olub
#bakutv #mosul #irak #konsulluq #xeberler #news #bakutvxeber #bakutv #bakutvnews #xəbərlər