Яшь гомер

Показать описание

Яшьлек... Кем генә хисләнеп искә алмый сине. Күмпе шигырь , күпме җыр сиңа багышланган. Беренче мәхәббәт, капка төбендәге йокысыз айлы кичләр, елга буендагы учак... Безнең әти-әниләр яратып җырлаган, халкыбыз
иҗатының йөзек кашы булган "Яшь гомер" сезнең игътибарга...
Яшь гомер
Гөлшат Зәйнәшева сүзләре
Зиннур Гыйбадуллин көе

Яшь гомер бер узгач,
Кайтмый ул яңадан.
Тик минем яшьлек никтер кайтыр кебек;
Яшьлектә сөйгән яр,
Сагындым, килеп ал,
Сине көтәм һаман, дип әйтер кебек.
Юк, кайтмас яшь гомер,
Калды ул еракта,
Зәңгәр томан артында сагыш булып;
Яшьли сөйгән яр да
Ятка калды анда
Әллә язмыш, әллә бер ялгыш булып.
Ялгышны төзәтеп,
Язмышны үзгәртеп
Яшәсәң, яшьлек кире кайтыр кебек;
Яшьлек бит күңелдә
Иң матур җирендә
Вакытлыча туктаган бер җыр кебек.
Бу җыр Әлфия Авзалова репертуарында бар. Җырның тексты ерлар. ru сайтынан алынды.