KİNOMUZUN SƏMƏNDƏRİ

SƏMƏNDƏR RZAYEV 2 YANVAR 1945-Cİ İLDƏ AĞSUDA DÜNYAYA GƏLİB.
OXUDUĞU MƏKTƏBDƏ “AKTYOR” LƏQƏBİ QAZANAN SƏMƏNDƏR RZAYEV ORTA MƏKTƏBİ BİTİRİB İNCƏSƏNƏT İNSTİTUTUNUN AKTYORLUQ FAKÜLTƏSİNƏ QƏBUL OLUNUR.
BƏXTİ GƏTİRİR, ÇÜNKİ İMTAHANI ÖZÜ GÖTÜRƏN RZA TƏHMASİB KURSUNA YIĞDIĞI UŞAQLAR ARASINDA SƏMƏNDƏRİN ADINI QIRMIZI HAŞİYƏYƏ ALIR.
AZƏRBAYCAN MƏDƏNİYYƏTİNƏ İSƏ BU AD QIRMIZI HAŞİYƏDƏ YOX, QIRMIZI HƏRFLƏRLƏ YAZILIR – SƏMƏNDƏR RZAYEV.
QƏRİBƏ GÖRKƏMİ, ZƏHMLİ BAXIŞLARI, PƏHLƏVAN CÜSSƏSİ İLƏ HƏR ZAMAN XATİRİMİZDƏ YAŞAYAN BÖYÜK AKTYOR SƏMƏNDƏR RZAYEV UZUN İLLƏR ARAMIZDA CİSMANİ OLMASA DA, NEÇƏ-NEÇƏ YARATDIĞI OBRAZLARI İLƏ SIRAMIZDA, EVİMİZDƏ QONAĞA ÇEVRİLİB.
BU, ONUN SƏNƏTKARLIQ MEYARLARININ YÜKSƏK SƏVİYYƏDƏ OLMASI, OBRAZLARINA MƏHƏBBƏTİ VƏ PSİXOLJİ CƏHƏTDƏN ONLARIN HƏYAT TƏRZİNİ YAŞAMASINDA VƏ BİR SIRA AMİLLƏRDƏN İRƏLİ GƏLİR.
SƏMƏNDƏR RZAYEV AZ YAŞASA DA, ZƏNGİN TƏRCÜMEYİ-HALI VAR. CƏMİ 41 İL ÖMÜR SÜRMÜŞ YARADICI BİR İNSAN ÜÇÜN BU QƏDƏR OBRAZ YARATMAQ, BU QƏDƏR İŞ GÖRMƏK, HƏQİQƏTƏN DƏ BİR MÖCÜZƏDİR.
İLK İLLƏRDƏ SUMQAYIT TEATRINDA ÇALIŞIB. AMMA ÖMRÜNÜN, YARADICILIĞININ ƏN YADDAQALAN İLLƏRİNİ AKADEMİK DRAM TEATRINDA KEÇİRİB.
"HƏYATIN DİBİNDƏ", "HAMLET", "YAĞIŞDAN SONRA", "SƏN YANMASAN", "CEHZSİZ QIZ", "QƏRİBƏ OĞLAN", "DƏLİ YIĞINCAĞI...". BUNLAR SƏMƏNDƏRİN TEATRDA OYNADIĞI TAMAŞALARIN CÜZİ BİR HİSSƏSİDİR. AMMA ONLARIN HƏR BİRİNƏ SƏMƏNDƏRİN YUXUSUZ GECƏLƏRİ, GƏRGİN YARADICILIQ AXTARIŞLARI, BƏZƏN İSƏ HƏDSİZ ƏSƏBLƏRİ SƏRF OLUNMUŞDU.
SƏMƏNDƏR RZAYEV YARADICI SƏNƏTKAR İDİ. FİTRİ İSTEDADA MALİK OLAN AKTYORUN YARADICILIQ POTENSİALI KİNO REJİSSORLARININ DİQQƏTİNİ CƏLB EDİB VƏ O, HƏM TEATRDA, HƏM DƏ KİNODA YADDAQALAN OBRAZLARI İLƏ İNSANLARA SEVGİ BƏXŞ EDİB: SƏNƏT SEVGİSİNİ. "777 NÖMRƏLİ İŞ", "AD GÜNÜ", "ALMA ALMAYA BƏNZƏR", "ARXADAN VURULAN ZƏRBƏ", "BABAMIZIN BABASININ BABASI", "BABƏK", "BAĞ MÖVSÜMÜ", "BAKIDA KÜLƏKLƏR ƏSİR", "BƏYİN OĞURLANMASI", "BİRİSİGÜN GECƏYARISI...", "BİZİM KÜÇƏNİN OĞLANLARI", "ÇARVADARLARIN İZİ İLƏ", "DE Kİ, MƏNİ SEVİRSƏN!", "DƏDƏ QORQUD", "DƏLİ KÜR", "EVLƏNMƏK İSTƏYİRƏM", "EVLƏRİ KÖNDƏLƏN YAR", "ƏN VACİB MÜSAHİBƏ", "ƏZABLI YOLLAR", "İSTİNTAQ", "QARA GÖLÜN CƏNGAVƏRLƏRİ", "QATIR MƏMMƏD", "QƏRİB CİNLƏR DİYARINDA", "QIZ QALASI ƏFSANƏSİ", "NƏSİMİ", "NİZAMİ", "O QIZI TAPIN", "ÖMRÜN SƏHİFƏLƏRİ" (KİNOALMANAX) VƏ BAŞQA FİLMLƏRDƏ AKTYOR OYUNUNUN MƏHARƏTİ BİZLƏRƏ MƏLUM OLUR.

SƏMƏNDƏR RZAYEV ÇOX REJİSSORLARLA İŞLƏYİB. ANCAQ SƏMƏNDƏR RZAYEV ÇOX VAXT FİLMLƏRDƏN İMTİNA EDİRDİ.
ÇÜNKİ ÇOX MƏŞĞUL İDİ. TEATRDA İŞLƏYİRDİ. TELEVİZİYA FİLMLƏRİNDƏ, TAMAŞALARINDA OYNAYIRDI, "BULAQ" VERİLİŞİNİN İSƏ DAİMİ APARICILARINDAN İDİ. "BULAQ" VERİLİŞİNDƏ BU BÖYÜK SƏNƏTKARIN BULAQ KİMİ TƏMİZ VƏ ŞƏFFAF SƏSİ EŞİDİLİRDİ.
SƏMƏNDƏR RZAYEVİN TƏRCÜMEYİ-HALINA KİNOSTUDİYANIN DUBLYAJ SEXİNDƏ ÇALIŞMASI DA ƏLAVƏ OLUNMUŞDU.
SƏMƏNDƏR RZAYEV KLASSİK BİR YARADICILIQ YOLUNU SEÇMİŞDİ.
BU YOL ONA UCALIQ, ŞÖHRƏT GƏTİRDİ.
ONUN QƏHRƏMANLARI, SƏMİMİ İNSANLARDIR.
SƏMƏNDƏR RZAYEVİN AKTYOR TALEYİNİN XOŞBƏXTLİYİ ONDA İDİ Kİ, O, DAXİLƏN TƏMİZ RUHLU ADAM İDİ.
YARATDIĞI ROLLARA İSƏ ÖZ RUHUNUN, QƏLBİNİN ŞİRİN ÇALARLARINI HOPDURURDU.
BU SƏS, BU İFA ZAMANIN YADDAŞINDA SƏMƏNDƏR RZAYEVİ YAŞADIR.