Gerd Köster, Frank Hocker & Helmut Krumminga · Leis rieselt et Hätz

Показать описание

Arsch huh, Zäng ussenander!

Gerd Köster, Frank Hocker & Helmut Krumminga

Leis rieselt et Hätz

Wor nit jede Jeck ens anders
Un loot jede Jeck elands
Ich hatt jedaach dat wör Jesetz
Nit nur ne Spruch ohne Substanz

Dr Breuers Jupp wööd jään hatt blose
Hät ävver nit die Fott dozo
Hä schängk op klein Schmarotzer
Die jrosse sin für ihn tabu

Un minge Chef hürt Woody Guthrie
Ahl Protestleeder sin in
Kannsde dich hück joot met saniere
`t muss nur jefleech jesunge sin

Respek es en Hur - hängk an Wedder un Budget
Leis rieselt et Hätz en et Portemonnaie

Mir trenne Alkohol vum Bier
Trenne Zucker vun dä Taat
Doch keiner kritt dat Schläächte
Vum Joode freijelaht

Am Himmel oose Jötter
Lötsche Salz us all dä Stään
Pisse dir en et Jeseech
Un behaupte dat wör Rään

Un merke deit dat jeder
Mancheiner söök dä räächte Wääch
Weil wenn hä en dr Kurv hängk
Es ihm jede Leitplank rääch - Hä singk:

Weg met fremde Schiffe - mir han selver schwere See
Leis rieselt et Hätz en et Portemonnaie
Jebet un Jebröll - neue Hass en ahl Idee
Leis rieselt et Hätz en et Portemonnaie

Ich wor jestern noch om Schrottplatz
Dä Schrottmann hät jesaat:
Für fuffzich Kilo Hätzstöbb
Kriste ne Hedge Fond un e Derivat

Die Bank sühsde nie - nur dat Jriene vum Croupier
Leis rieselt et Hätz en et Portemonnaie
Un statt däm Hätz wuchert de Jall - saach mir:
Kütt do bal ne Knall
Kütt do bal ne Knall
Kütt do bal ne Knall / Leis rieselt et Hätz
Kütt do bal ne Knall / Leis rieselt et Hätz ...