Dios Ke Te Crew | Reinicio

Показать описание

'REINICIO' Novo videoclip de DIOS KE TE CREW

Activa os subtítulos: Galego, Castelán ou Inglés.

O recaudado polo vídeo desta canción en youtube e pola propia canción nas diferentes plataformas de streaming (Spotify, Itunes, Deezer, GoogleMusic, Amazon, etc..) será doado á plataforma cidadá REDE COMPOSTELA ULLA-TAMBRE, da que forman parte os seguintes colectivos e organizacións activistas:

Salvemos a Comarca de Ordes
Asoc Vertedoiro Lesta Non
Plataforma Casalonga Limpa de Residuos
Mina Touro - O Pino NON
Salvemos as fragas de Catasós
Plataforma Pola Recuperacion Do Sar
Plataforma de afectados polo vertedoiro Santiago de Compostela - Miramontes
Plataforma Afectados Destilería Rois

* Se queres colaborar coa doazón dálle a play, subscríbete a esta canle de youtube e comparte.

--------------------------------------------------------------------
CRÉDITOS Música:
Música: Mou
Letras e voces: Sokram, Jamas e Mou.
Scratches: Padre Murdock
Guitarras: Santino
Gravado e mesturado por Dios Ke Te Crew en Rapapoulo Estudios, Ordes.
Mastering: Cem Oral ( Jamming Masters Studios, Berlín.)

CRÉDITOS Video:
Dirixido por Xaime Miranda.
Direción de Fotografía: Iago Vilariño
Edición: Antón Miranda e Xaime Miranda
Operador de Drone: Pedro Álvarez
Pirotecnia: Manuel Miranda

Aparecen:
Claudia Méndez, Xoel Méndez, Mario Carreira, Samuel González, Malena Méndez, Bruno Llano, Víctor Aguilar, Pavel Takushev, Tita Blanco, Pepe Fernández, Darío Méndez, Antonio Méndez, Meri Méndez, Marisé Méndez, Noa Arias, Xurxo Arias, Silvia López, A.L. Crego, Lidia Cao, Gabriel Villaverde, Cardamo, Claudia Moar, Miguel Ruíz (Sekone)

Agradecementos:
Concello de Negueira de Muñíz, Concello de A Fonsagrada, Casa Tita Vilarello, Casa Sara de Negueira, Familia Costoya Garea de Ledoira, Carlos López López, Conxunto Etnográfico de Mazonovo, Bodegas Panchín, Amparo Linares

Máis info:

LETRA / Versión orixinal (Galego)

Ocupar o muíño, foder cos pés no río,
non pagar un puto peso a Fenosa sen pasar frío,
cos meus paneis solares, mailo chan radiante,
quentado polo lume da lareira, sonche independente.

Apaño a leña no monte, que é colectivo,
así non prende lume no verán, traballo por servido...
O ano pasado, entre tódolos veciños,
montamos un muíño de vento que cubre o consumido.

E ocupámola casa do cura maila igrexa,
agora a Casa da Cultura, maila envexa
de calquera sala de concertos que se precie, acústica de altura,
"Abaixo a Dentadura" *, ás veces tocan Dios Ke Te Crew, se queres vir apura!

Temos Wifi guapa de gratis para toda a parroquia,
eu teño un estilazo que flipas apañando patacas,
nesta horta tamos fartos, moitas hostias,
somos unha aldea insurxente, e somos moitas!

Hai que dar un paso adiante pra avanzar pa atrás..
Hai que dar un paso adiante pra avanzar pa atrás.
Hai que dar un paso adiante pra avanzar pa atrás.
Mellor volver ás cavernas que non parar de medrar...

Seguro que ves a esta aldea e xa non volves á cidade,
aquí somos unha comunidade de verdade,
sen estrés..., que logo derive en ansiedade,
cos pés na terra en busca da felicidade.

Temos colleitas, de todo canto imaxinas,
verduras, froitas, hortalizas, índica e sativa,
tamén temos animais de cría, aquí sobra a comida,
porcos, pitas, polbos... como animais de compañía.

Polos de présa como raptors,
sempre en alerta por se veñen os estraños,
sáltanche un ollo da cara e quedas torto como hai Dios,
se queren vir por nós ao mellor saen trasquilados.

Xeramos enerxía limpa cen por cen da casa,
a cinética é unha das nosa mellores bazas;
con pedalear dez minutos, cada notas, cada día,
sóbrannos Xulios para cargar as baterías.

Hai que dar un paso adiante pra avanzar pa atrás..
Hai que dar un paso adiante pra avanzar pa atrás.
Hai que dar un paso adiante pra avanzar pa atrás.
Mellor volver ás cavernas que non parar de medrar...

Nesta aldea imos de vagar, no lagar,
unha adega que non paran de gabar os veciños,
destas cepas nais saen algúns dos mellores viños,
esquece eses brebaxes infestados de sulfitos.

O detective de Monsanto non entra aquí,
soltámoslle ós velociraptors, pobre infeliz,
o noso pozo de purín alimenta ó tractor,
gas metano, puro zudre, vai mellor que o vapor!

No Centro Médico o doutor traballa ca nosa menciñeira,
se entre os dous non ven solución aínda che queda ver á meiga,
entras tolleito, en silla de rodas, saes correndo cunhas cebolas
de agasallo por portarte ben, como se porta a señora!

Meigas fóra? Non!! Santas da nosa devoción,
a sabedoría milenaria sobreviviu á Inquisición,
nesta aldea convocámola ao redor da luminaria,
bendita insurrección, benvidas á nova Galia!

Hai que dar un paso adiante pra avanzar pa atrás..
Hai que dar un paso adiante pra avanzar pa atrás.
Hai que dar un paso adiante pra avanzar pa atrás.
Mellor volver ás cavernas que non parar de medrar...

Рекомендации по теме

Комментарии

Vocês são foda! Saudações aos irmãos galegos 🇧🇷🇧🇷🇧🇷🇧🇷

saooran

Sodes os putos amos. A seguir así e espero vervos pronto nalgún concerto. Vivamos coma galegos!! Non hai cousa mellor que a aldea e traballar as terras en sintonía coa natureza.

AAVisokerAA

Boísimo! Noraboa!. ANARCOPRIMITIVISMO Ó PODER

senorsicario

Saludos desde barbadensis tv queremos enterevista Original galegos top

barbadensistv

Moi ben por tratardes esta temática, con esa enerxía. Jamás mellorou, gústame máis ca nunca. Sokram fusenniqueando moi ben e Mou se dixese xurro en vez de "purín" e cadeira de rodas en vez de "silla" tamén tería o pase de ouro, pero co de "velociráptor" e o galo na man xa o compensa. E DJ Murdock é un actorazo. Molades saíndo coa neve; e no monte, ambientación natural e aldeas como escenario. Así dálle máis credibilidade á reivindicación. Alégrome que sigades tocando o tema da ecoloxía, despois do tema da reciclaxe con Jevi, este vén a mellorar o anterior. Rap serio.

Decrecemento ou barbarie.
BRAVO.

xosemarceloromeuherbon

ISTO XA VAI PARA A PLAYLIST DE CABEZA! inda que sexa rap, vouno meter na de ChampionSOUND, se saimos vivos desta, este vran vai soar isto de festa en festa! SODES OS MELLORES!

buenamierdabro