Orkhan Zeynalli ft. Röya Miri — Bir Də Gəlsəm (Rəsmi Musiqi Videosu)

Orxan Zeynallının Röya Miri ilə birgə ifa etdiyi “Bir Də Gəlsəm” treki artıq onlayndır. Bu musiqi videosu "Azercell" və Azərbaycan Cüdo Federasiyasının #DoğruYolBudur kampaniyası çərçivəsində hazırlanmışdır. Gənclərin narkotik vasitələrdən yayınması üçün ən yaxşı üsullardan biri məhz idmandır. İnsanın həm özünə, həm də ətrafına fayda verməsini təmsil edən cüdo idman növü buna yaxşı misaldır.

Bu kampaniya ilə hər kəsi pis vərdişlərdən uzaq qalmağa, sağlam vərdişlərə yiyələnməyə çağırırıq. Çünki narkomaniya həyatınızı məhv edə, cüdo isə onu müsbətə doğru dəyişə bilər.

Odur ki vaxtında doğru yolu seçin, çünki yalnız bu zaman getdiyiniz yol sizi uçuruma aparmayacaq.

Musiqi: Clavis
Söz: Orxan Zeynallı
Prodüser: Clavis
Miks və masterinq: Shamkhal Novruzlu
Agentlik: @EndorphinBaku
Prodakşn: @artfilmbaku
Rejissor: Emil Quliyev
Operator: Məhəmməd Osman
Quruluşçu rəssam: Aytən Şirzad
Prodüser: Kənan Nadirli
Geyim rəssamı: Ləman Süleymanlı
Qrim: Sevochka Zeynalova
İşıqçı: Samsor Manqal
İsmayıl Nəsibov
İkinci rejissorlar: Nicat Muxtarov, Nicat Qulam
Fokus-puller: Asif Shiraliyev

İl: 2024

Orkhan Zeynalli sosial şəbəkələrdə:

Orkhan Zeynalli rəqəmsal platformalarda:

Sözlər:

[Bənd 1]
Dedilər, pis yaşıdır indi, gözünüz üstündə olsun
İstəyir, hamıdan güclü, hamıdan üstün bəy olsun
Pis vərdişlər gəlir zəif insanın iyinə hər an
Bir də ayılırsan ki, ailən olub iynə, dərman

İki dostun xəyalları, o yaş belə idi
Mən də doğru yolları onun kimi kaş biləydim
İlk öpüş qədər şirin ilk dəfə dadına baxmaq
Səhv yolun cazibəsi əyə bilər daş biləyi də
Çox heyif...

Dostumda özümü görürdüm, qızlar mənə baxmırdı
Mən baxıb gözümü döyürdüm
Dostum doğru yolu seçdi: idman, döyüş və yarışlar
Mən isə iradəsizlik medalıyla özümü döyürdüm

Yumruq sıxmaq belə bu gün çətin gəlir mənə
Azıb qalmışam haramın yollarında
Bədənim yalvarır ruhuma ondan əl çəkim deyə
Son dəfə yuxuya getmək anamın qollarında
(Haradasan?)

[Nəqərat]
Mən bir də gəlsəm dünyaya
Saf gözlərinə doymaram
Səhvim oldu, denən, harada?
Gəlim bir də, qalım orada
Gəl doğru yoldan boylanaq

[Bənd 2]
Gözümün içinə bax, ana, çəkinmə məndən
Bilirəm, solub üzüm, azalıb çəkim bədəndə
Sən məni belə böyütməmişdin, üzülmə, nə olar
Çalış, görə biləsən oğlunu üzümdə, nə olar

Yadına gəlir, iki körpə dost qalırdıq evdə?
‘’Böyüyəndə kim olacaqsan?’’ sualına dalırdıq hərdən
Yenidən doğuluram deyib boğuldum öz qanımda
Hamı sevsin, istəyirdim, indi sevmir öz anam da

Əlimdən tut, bax, həmin o balaca uşağam
Qaranlıqda səni qorumaq üçün yanacaq o şamam
‘’İnanıram sənə’’ deyib sığallamağın idi qızıl anım
Mənsə inamını satıb oğurladım qızılların

Halbuki bu səhv yolu seçəndə axı özümdə idim
‘’Gözəl övladım’’ deyirdin, bəlkə, gözün dəydi
Hər şeyini aldım əlindən, bağışlamağa heç nə qalmayıb
‘’Bağışla, ana’’ deməyə belə artıq üzüm gəlmir

[Nəqərat]
Mən bir də gəlsəm dünyaya
Saf gözlərinə doymaram
Səhvim oldu, denən, harada?
Gəlim bir də, qalım orada
Gəl doğru yoldan boylanaq

Mən bir də gəlsəm dünyaya
Saf gözlərinə doymaram
Səhvim oldu, denən, harada?
Gəlim bir də, qalım orada
Gəl doğru yoldan boylanaq

Orkhan Zeynalli tərəfindən Röya Mirinin iştirakı ilə ifa olunan “Bir Də Gəlsəm” parçasının rəsmi videosu. Bu videonun bütün hüquqları "mikpro” MMC tərəfindən qorunur. © 2024

Etiketlər:

#OrkhanZeynalli #BirDəGəlsəm #mikpro

[orkhanzeynalli]

Bu asılılıqdan əziyyət çəkib özünü və ətrafındakıları incidənlərə qarşı aqressiv ya neqativ yanaşmanın faydasız olduğunu hesab edirik. Bu klipdə çalışdıq ki, hələ yol ayrıcında olan ya artıq yanlış istiqamətdə addımlayanlara göstərək ki, ən doğma insanlar necə əziyyət çəkə bilir. Emil klassik filmə çox dəqiq göndərməyə öz dəsti xəttinə uyğun detallar da əlavə edib. Aktyorlarımıza isə möhtəşəm performansa görə təşəkkür edirəm! Təəssüf ki, bu cür səhnələr real evlərdə, real insanların həyatında baş verir. Özümüzü və doğmalarımızı qoruyaq, biganə qalmayaq ki, “bir də gəlsəm” deməyə ehtiyac qalmasın🙏🏻❤️

[emilguliev]

Şərhləri oxuyub belə qərara gəldim ki, bu bəla, gördüyümüzdən daha böyükdür.

[Javid]

Hər şey bir yana, klip çox təsirlidi. Təkcə narkotik yox, bütün bağımlılıqlar həyatımızı məhv edir. Geriyə yalnız vaxt itkisi və özümüzdən verdiklərimiz qalır.

[nopicture]

Orxanın və Elxanın cəmiyyəti uçurama aparan mövzulara toxunmaları alqışa layiqdir. Hər birinə #respect

[Samayiia]

Belə kliplər çəkilməli, mahnılar yazılmalıdır ki, hər kəs maariflənsin. İki dost, iki fərqli dünya... Təşəkkürlər.🖤

[elshadsafarov]

5 il istfade eledim 4 defe 21 gun muailce aldim.24 yasimda ecemideki evimi 30 minlik masinimi hamisi bu yola qurban verdim .1 kelme bacima gore 1 soze gore atdim.Cox sukur hecne istfade etmirem.Allah bu yolda olanlar Irade versin

[ReshoZal]

bu ƏSƏR orta məktəb və ali təhsil müəssisələrində məcburən dinlədilməlidir.. 6-7 dəqiqəyə bu boyda böyük iş sığışdırmısız. Əvəzsiz bir layihədir. Əməyi küçən hərkəsin önündə baş əyirəm!!!

[userekitabxana]

Atam narkotikə qurşananda və ailəmiz dağılanda 11 yaşım var idi. Uşaq vaxtı kimi ən çox istəyirsən sualına içdən içə "atamı" deyib, anası pis olmasın deyə "hər ikinizi" deyən uşaq idim. 15 il boyunca sevgi, nifrət və vicdan üçbucağı arasında qalan bir gəncə döndüm. Mənim atam heç vaxt doğru yolda olmadı, doğru yoldan dəfələrlə dönüb hərşeyini itirdi, biz də onunla birlikdə itirdik. Atam gözümün qarşısında xəstə oldu, əzildi, kiçildi sonra yox oldu. Onu sevən qız uşağı böyüyüb, ama hər belə mahnıda boğazı düyünlənir, yarası təzələnir.

[HafizVali]

İllərlə böyüdüyümüz dostların narkotikin qurbanı olmasının necə bir hiss olduğunu bizim nəsil çox yaxşı başa düşür. Təsirlidir. Çox sağol, Orxan.

[jalacalalova]

“Son dəfə yuxuya getmək anamın qollarında” 🍂🍃

[ramizaqali]

Bəlkədə ölkədə yeganə musiqidiki kliplə bu qədər bir birinə uyğun gəlir👍

[nihadehedov]

Göz yaşı içində izlədim. Allah heç bir valideyni belə sınaqla üz üzə qoymasın. Allah bütün övladları bu yola düşməkdən qorusun.

[resadmehdiyev]

Orxan senin kimi insanlara Azerbaycan xalqinin etiyyaci var.

[iamasimaskeroff]

Orxan Zeynallı (AİD) və Elxan Zeynallı (Qaraqan) hələ də eyni ünvana gedirlər, ancaq fərqli yollarla. əhsən 👏

[rashadmammadov]

Bakıdan çıxıb rayona indi çatıram 311 km.-lik məsafə. Bəlkə 50 dəfə dinləmişəm yol boyu. Klipə baxdıqca, narkomaniyadan əziyyət çəkən, hazırda həbsdə olan bibim oğlunu, onun xəstə valideynlərini düşünüb kövrəlmişəm. Heç bir övladın bu yola düşməsini, heç bir valideynin əzab çəkməsini arzulamıram.
Belə möhtəşəm əsər ortaya çıxardığınız üçün hər birinizə təşəkkür edirəm. Möhtəşəmsiz uşaqlar!

[ravanrustamov]

Analoji mənzərəni məndə yaşamışam. Uşaq vaxtı mən idmanla məşğul olanda yaxın dostum qurşandı bu yola. 2-3 il öncə peredozdan cavan yaşında öldü. Çox təsirli lahiyədir. Əməyi keçən hər kəsə minnətdaram.

[person-mmnw]

Əməyi keçən hər kəsə təşəkkürlər. Mən inanıram ki Orxan Və Qaraqanın gələcək nəsilin düzgün formalaşmasında böyük rolu olacaq❤

[m.senyorita]

Ananın çarəsizliyi çox tesr etdi. Hemin kadrda ağladım. 😢

[aliverdysabina]

Qaraqanın "Bəyaz duman" trekindən sonra AİD'in "Bir də gəlsəm" treki...Qəlbləri uzaqlarda da olsa vətən, millət üçün yanan iki əmioğlu...Bu millətin sizə çox ehtiyacı var❤

[afganhasan]

Oy O iki qardaşın dirəşməsi nə idi?! Gözlərim doldu. Klipin ərsəyə gəlməsində zəhməti keçən hər bir kəsə təşəkkür edirəm.