„Аёллар дафтари“ орқали тадбиркорга айланган китоблик аёл ҳикояси

Китоб туманидаги „Гулистон“МФЙ яшовчи Муҳлиса Воитова вақтинчалик ишсизлиги сабаб „Аёллар дафтари“ рўйхатига киритилди ва унга имтиёзли равишда 17 миллион сўм кредит ажратилди. У ушбу маблағларни паррандачилик соҳасига йўналтирди ҳамда ўз хонадонида 500 та товуқ олиб боқа бошлади. Орадан 4 ой ўтиб, товуқлар сони 1500 тага етди. Орттирилган даромад ҳам шунга яраша. Қаҳрамонимизнинг айтишича, у бу билан тўхтаб қолмоқчи эмас, аксинча турмуш ўртоғи билан биргаликда паррандачилик тармоғини янада ривожлантиришни ўз олдига мақсад қилган ва бу йўлда унга кўмакдош бўлган барчага ўз миннатдорчилигини изҳор этмоқда.