Snjóflóðavarnargirðingar séðar úr lofti, háflug á fjarstýrðri þyrlu 600m hæð

Nú þegar maður hefur skipt um fjarstýringu á þyrlunni getur maður farið að fljúga lengra frá sér en hægt var áður. Í blíðviðrinu í hádeginu kíkti ég upp að 1000m fjarlægð (frá mér og í þyrluna) og sá rétt í fyrstu snjóflóðavarnargirðingarnar.
Þegar ég kom heim seinnipartinn ákvað ég að ganga enn lengra og reyna senda þyrluna á toppinn.
Ég stóð í garðinum hjá mér og sendi hana af stað. Þetta gekk vel, en þegar ég ætlaði að fara uppfyrir toppinn og á skjánum hjá mér stóð 1200m komst ég bara ekki lengra, ég var svolítin tíma að átta mig á afhverju en mundi það svo að ég stillti þyrluna í tölvunni þannig að hún má ekki fara lengra en 1200m frá mér. Þannig að ég er þá búinn að komast að því að sá búnaður virkar! En þetta var þess valdandi að ég sá aðeins í topp fjalls í mjóafirði sem heitir Tóarfjall. En það var ágætt, þetta var skemmtileg tilraun sem kom adrenalíninu af stað hjá mér :)