Wae kint ôs noow neet?

WAE KINT ÔS NOOW NEET?
Teks en meziëk: Paul Lenders en Ruud Bettinger
Gezônge door: Graat Peeters, Onno Vaessen en Paul Lenders

Refr.
Wae kint ôs noow neet
Weej zien hiel bizônder
Zinge ein vastelaovesleed
En doon veur nemus ônder
Weej zinge neet gans zuüver
Maar och, det boeijt ôs neet
Make waal ens eine schuüver
Maar weite wao det aan leet

Weej zinge hard, weej zinge vals
Eine polka, eine mars of eine wals
Of geej ut huüre wilt of neet
Weej zinge toch ut hoëgste leed

Vers 1
Weej zien gen netuurtalente
Det wet toch idderein
Speule gen instrumente
Maar gaon wiej einen trein
Weej kinne ut neet laote
Gaeve alle klanke kleur
Det doon weej noëits met maote
Maar gaon d’r waal gans veur

Vers 2
Weej zien gen gooij muzikante
Det is zach oëtgedrök
Weite toch waal van wante
Det is noow ôs gelök
Weej laote ôs neet kinne
Goëije alle remme los
Weej gaon ôg noow verwinne
Dus geej ziet noow de klos