Top Channel/ Aksidentet e pas festës: Disa të lënduar brenda pak ditëve, 3 persona humbën jetën dje

Pavarësisht thirrjeve të policisë në prag të festës së ndërrimit të viteve, për të respektuar rregullat e qarkullimit rrugor dhe të shmangej konsumi i alkoolit, javën e parë të janarit në rrugët e vendit ndodhën disa aksidente të rënda.

5 persona humbën jetën dhe 10 të tjerë janë plagosur. Të enjten gjatë orëve të mesditës një automjet përplasi një të moshuar që po lëvizte me biçikletë në qytetin e Vlorës.

70 vjeçari u dërgua menjëherë në spitalin e Vlorës ku ndodhet jashtë rrezikut për jetën. drejtuesi i mjetit që shkaktoi aksidentin një 30 vjecar, u shoqërua në polici deri në zbardhjen e plotë të dinamikës së aksidentit.

Pak minuta më vonë ndodhi një tjetër aksident, këtë radhë në Maminas të Durrësit.

Një makinë përplasi një motor ku ndodhej një burrë dhe një i mitur, dy të plagosurit u dërguan në spital dhe ndodhen jashtë rrezikut për jetën.

Por aksidenti më i rëndi është ai që ndodhi mbrëmjen e të mërkurës në rrugën e Arbrit ku u përfshinë disa automjete dhe bilanci ishte tragjik, tre të vdekur dhe tre të plagosur.

Ndërkohë pak ditë më parë dy aksidente u shënuan në Divjakë në distancë kohore prej vetëm 30 minutash, ku ndërruan jetë si pasojë e plagëve të marra dy persona.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Subscribe to "Top Channel" on YouTube Channel for NEWS and TV
#Aksidentet#Festat#TopChannelNews