Озодлик ортидан ЎзА ҳам муштумзўр ҳокимларга эътибор қаратди

Ўзбекистон Миллий ахборот агентлиги –ЎзА 29 ноябрь куни Озодлик радиоси томонидан мунтазам равишда кўтарилиб келинган муштумзўр ҳокимлар масаласига эътибор қаратди. Агентлик муштумзўр ҳокимлар сиёсати танқид қилинган мақолани чоп этди. Бироқ Озодликка етиб келган хабарларга қараганда, амалда улар ҳамон жазосиз қолмоқда.

ЎзА томонидан эълон қилинган “Раҳбар юксак маънавиятли, ҳар бир ишда барчага ибрат бўлиши керак”, деб сарлавҳаланган мақолада Озодлик радиосида ёритилган ва сўнгги кунларда ижтимоий тармоқларда кенг муҳокамага сабаб бўлаётган Андижон шаҳар ҳокимининг йиғилишларда ўқитувчи ҳамда қарияларга қўпол муносабати танқид қилинган.

“Андижон шаҳар ҳокимининг таълим муассасалари раҳбарлари иштирокидаги йиғилишда ўзини тутиши, муомаласи, хақорату дашномлардан иборат гап-сўзлари, агар ижтимоий тармоқларда тарқалган хабарлар рост бўлса, унинг нафақат ҳоким, балки оддий бир инсон сифатида маънавиятга муносабати қандай эканини кўрсатади”, деб ёзган ЎзА мақола давомида президент Шавкат Мирзиёев 15 ноябрда ўтган йиғинда муштумзўр ҳокимларни танқид қилганига алоҳида эътибор қаратади.

[tohirjonturgunov]

Aka nosizi tupurvorib gapirsez yaxshi bolardi

[maksroshin]

Bu xokimni ishdan olish kerak.agad xakikatda demokratiya bolsa bizda.agar shuncha gap suzdan keyn xam ishdan olmasa bu xolimni siyosatimizi oldingiday ketyotganidan dalolat.

[fderyvjjgdklgfd]

Танқид қилингани билан жиноий жавобгарликка тортилмаса қолганларига дарс бӯлмайди.