PENSİYA ARTIMLARİ İLƏ BAĞLI DEPUTATDAN VACİB AÇIQLAMA

Milli Məclisdə “2025-ci ilin dövlət büdcəsi” layihəsinin müzakirəsi zamanı pensiyaların indeksləşdirilməsi və pensiya kapitalından istifadə ilə bağlı təkliflərimi təqdim etdim.

Mövcud qaydalara əsasən, Azərbaycanda əmək pensiyalarının indeksləşdirilməsində vahid, yəni fiks yanaşma tətbiq olunur. 2025-ci ilin əvvəlində bütün növ əmək pensiyalarının 8 faizə indeksləşdirilib artırılması gözlənilir. Pensiyaların əvvəlki ildə nominal orta aylıq əmək haqqındakı artım faizinə indeksləşdirilərək artırılması müsbət haldır. Bununla belə, fiks indeksləşdirmə nəticəsində, 300 manat pensiya alan vətəndaşımızın pensiyasında cəmi 24 manat, 3 min manat pensiya alanın pensiya məbləğində 240 manat artım qeydə alınır. İndeksasiya birbaşa pensiya məbləğinə kəmiyyət olaraq tətbiq olunduğu üçün bu az pensiya məbləği olanlarda az, çox pensiya alanlarda çox artım deməkdir. Mövcud maliyyə fondu çərçivəsində diferensial indeksasiya sisteminin tətbiqinə ehtiyac var. Bu zaman az pensiya məbləği üçün daha çox indeksasiya faizi kimi göstərici ilə yanaşı keyfiyyət meyarlarından və digər vəriblardan istifadə oluna bilər. Bununla da, indeksasiya nəticəsində nisbətən aşağı pensiya alan vətəndaşlarımızın pensiya məbləğlərində daha çox artımlara nail olmaq olar. Bu həm median pensiya məbləğinin artmasına, həm də indeksləşdirmə üçün nəzərdə tutulan ümumi vəsaitin daha proporsional bölüşdürülməsinə imkan verə bilər.


İkinci məqam, pensiya kapital üçün tələblər ilə bağlıdır. Minimum pensiya məbləği artdıqca əmək pensiyası almaq üçün kapital tələbi də, təbii ki, artır. Hazırda pensiya kapitalı tələbi 40 min 320 manatdır. Yəni, vətəndaş yaşa görə əmək pensiyası almaq üçün ya bu məbləğdə kapitala və ya 25 illik staja malik olmaldır. Minimum pensiya məbləğinin artırılması müsbət haldır və cənab Prezidentin rəhbərliyi ilə həyata keçirilən sosial siyasətin əsas hədəflərindədir. Bu baxımdan, minimum pensiya məbləği ilə pensiya kapitalı arasında yalnız kəmiyyət deyil, həmçinin keyfiyyət əlaqəsinin də yaradılmasına ehtiyac var. Məsələn, tək analar və ya ailədə uşaqların sayı və digər faktorlar nəzərə alına bilər və bununla da əmək pensiyası almaq hüququ qazanmaq üçün kapital tələbi azalmış olar. Bu yaşa görə müavinət alan bəzi vətəndaşlarımızın əmək pensiyası almasına imkan yarada bilər. Bunla da daha çox vətəndaşlarımız yaşa görə əmək pensiyası ala bilərlər.

Üçüncü məqam pensiya kapitalından istifadə ilə bağlıdır. Sinqapur və bir sıra digər ölkələrdə olduğu kimi pensiya kapitalının bir hissəsinin istehlak üçün istifadə edilməsi məqsədəuyğun olardı. Bu zaman vətəndaşlarımız pensiya yaşının tamam olmasını gözləmədən kapitalın bir hissəsindən daha öncə istifadə edə bilərlər. Bu baxımdan, ABŞ modelində olduğu kimi, minimum pensiya kapital tələbi ilə yanaşı orta pensiya kapital tələbi müəyyənləşə bilər ki, bu da kapitaldan istifadəyə imkan yaradar.

[minayaaliyeva]

Salam Vüqar müəllim.mənim işlədiyim və yığılmış 6 illik 3:01 pensiya kapitalımı vermirlər və belə izah edirlər ki, yığılmış kapital öhdəlik yaranan gündən tətbiq olunur. Belə çıxır ki, 6 ildə yığılmış kapitalına həbs qoyulub. Bunu nə ilə izah edərdiniz zəhmət olmasa

[serqiyesuleymanova]

Zəhmət olmasa bir marketlərə gedin qiymətlərə baxın elədiyiniz artımnan utanın.Bu milləti bu qədər süründürməyin.

[QalibMemmedov-jx]

Vuqar bey amerikada 363 manat pensa alan var?

[vuqargulmaliyev]

Vahid məbləğ olmalıdır.Hər bir pensiyaçıların pensiyasına əlavə edilsin.

[ceys]

biryolluq pensiyaya dəyməyin, marketləri, kommunalı ucuzlaşdırın

[XediceSeferova-qv]

Bas qatmaqdi bu.O usaq aqlayanda 20 qepik verirsenki aqlamasin o gundeyik

[gulbenizletifova]

Qadınların pensiya yasını kişilərə nisbətən aşağı salın .

[mehmanaliyev]

Düzgün yanaşma deyil, siz indeksləşmə faizinin az olmasını müzakirə etməlisiz, hərbçiləri əmək pensiyaçısı etdiz, indeksləşmə etdiz, siz öz aləminizdə fikirləşirsiniz ki, az pensiya alanların tərəfindəsiniz, əslində belə deyil, sizi narahat edən xüsusi şərtlərlə pensiya alanların pensiyasının digərlərinə nisbətən daha çox artmasıdır, indidə indeksləşmənin qarşısını almağa çalışırsız, daha az alanlara yardım və s. nəzərdən keçirmək lazımdır, baxın il ərzində qiymətlər nə qədər qalxıb, 8 faiz obyektiv deyil təəssüf!

[Sahib-mx]

Vallah ayıbdı artırmsanız bundan yaxşı olardı 😊

[sahnazismayilova]

VAY VAY BATDIQ QIRILDIQ BUNE DEMEKTIR ALLAHIM GEL YAWA 364M PENSIYAYLA DERMANLARIM HEKIME SALAM VERMEK 50M SONRA ANALIZLER RESEPTLER BAWIVA DOYE DOYE CIX HELE YEMEK KAMUNAL VE NIR SURU WEY😢😢😢

[bakcellbakcell]

Konkret bir rəqəm deyin, bilinmir 8, 9, 10,

[aftdadasov]

Salam Vüqar müəllim mən ailə başçısını itirmişəm özümdə heç bir yerdə işləmirəm sizdən xahiş bir veteran anası kimi xahiş edirəm ki özümdə xəstəyəm bu vəsait mənə köçrülə bilərmi.

[новости-лл]

SALAM, VÜGAR MÜƏLLİM, HƏR VAXTINIZ XEYİR OLSUN, MƏN ÖZÜM PENSİYAÇIYAM, İŞLƏYİRƏM, KAPİTALIMDADA PUL VAR, MƏN O YIĞILAN KAPİTALA, BANKDA OLA BORCLARIMI SİLMƏK İSTƏYİRƏM, ZƏHMƏT OLMASA MƏNƏ KÖMƏKLİK GÖSTƏRƏSİNİZ, SİZƏ TƏŞƏKKÜR EDİRƏM

[raulraulcuk]

Vüqar müellim düzdür baxılmalıdır ki kimlerde pensiya yüksekdir ve aşağı alanlarnan indeks faizinde ferq qoyulmalıdır

[ruftlkbrli]

Hörmətli millət vəkilimiz, pensiyaların artırılması ilə bağlı ən ədalətli qərar pensiyası ölkə üzrə orta aylıq əmək haqqından 2 dəfə və daha artıq olanlar üçün 5%, pensiyası orta aylıq əmək haqqından 2 dəfə və daha az olanlar üçün isə minimum 11% artırılmalıdır ki, sosial rifahın yaxşılaşdırılması istiqamətində həqiqi addım sayılsın🇦🇿