Paşinyanın “sabiqlər” ovu: Ermənistanı qarışdıran istintaq

Показать описание

#APATV #Paşinyan #Ermənistan #istintaq #cinayətişi #müdafiənaziri #DavidTonoyan #prokuror #AqvanHovsepyan #başnazir #OvikAbramyan #ArturBaqdasaryan #deputat #dollar #rüşvət

Ermənistan gündəmi son vaxtlar sabiq yüksək rütbəli məmurlara açılan cinayət işləri ilə çalxalanır.

Xatırladaq ki, cinayət işi açılanlar arasında eks-müdafiə naziri David Tonoyan, Korrupsiyaya Qarşı Mübarizə Komitəsinin keçmiş baş prokuroru Aqvan Hovsepyan da var.

Hazırda həbsdə olan Aqvan Hovsepyan barəsində başlanmış cinayət işinin ibtidai istintaqı artıq başa çatıb. David Tonoyanla bağlı istintaq işi isə növbəti ilin yanvar ayına qədər davam edəcək.

İstintaq çərçivəsində Ermənistanın keçmiş baş naziri Ovik Abramyan, Təhlükəsizlik Şurasının keçmiş katibi Artur Baqdasaryan, deputatlar və digər rəsmi şəxslər də dindirilib.

İstintaqın məlumatına görə, Hovsepyan 2004-2013-cü illərdə baş prokuror, o cümlədən 2014-2018-ci illərdə İstintaq Komitəsinin rəhbəri olarkən, 385 min dollar rüşvət alıb. Onun 1,6 milyon dollar məbləğində əmlak oğurluğu etdiyi də məlum olub. Hovsepyan 2,6 milyon dollar məbləğində çirkli pulların yuyulmasında da ittiham olunur.

Copyright © APA TV

Videolarda yazılan rəylərə görə kanal rəhbərliyi məsuliyyət daşımır.