OUTA e hlotse nyewe kgahlano le lefapha la dipalangwang

Lefapha la dipalangwang le tla lokela ho kgutlela tafoleng ya ditherisano, kamora hore lekgotla le phahameng la dinyewe la Pretoria, le dihe kahlolo e reng melao e metjha e bakileng dipuo di hana ho fela, e leng ya Administrative Adjudication of Road Offences Act le Amendment Act, ha e molaong wa motheo. Mokgatlo o lwanelang ditokelo tsa baahi wa OUTA, o ile wa phepetsa molanwana ona o neng o tla sebediswa ho nkela bakganni dintlha e le mokgwa wa kotlo. Ona o ne o tla kenngwa tshebetsong ka la pele Phupu monongwaha.