Зьміцер Вайцюшкевіч — «Бывайце Здаровы» (караоке)

Словы: Адам Русак
Музыка: Ісак Любан

Сьпявайма разам!

З беларуса па даляру — новы праект.

____________________________________________

 «Бывайце Здаровы»

Бывайце здаровы, жывiце багата,
А мы ўжо ж паедзем дадому, дахаты.
У зялёнай дуброве мы начаваць будзем
I вашае ласкi вавек не забудзем.

У вашай гасподзе шырокае поле,
Няхай жа на шчасьце цьвiце ваша доля.
На рэчках на вашых бурлiлi каб воды,
Каб плавалi з крыкам гусей карагоды.

Каб жыта ў полi трубою вiлося,
Каб сала ў хаце кубламi вялося.
Штодзень у капусьце каб плавала шкварка,
Да шкваркi часiнай вялася б i чарка.

Яшчэ вам жадаем прыбытку ў хаце
Нi мала, нi многа — штогод па дзiцяцi.
Ня будзем у крыўдзе яшчэ й на тое,
Калi пашанцуе – на год i па двое.

Дарогу ж мы знаем да вас, ягамосьцi,
I езьдзiць мы будзем да вас часта ў госьцi.
Эй, хто на адведы, эй, хто на радзiны —
Вазiць караваi па дзьве паўасьмiны.