Heydər Əliyev Mərkəzinin qarşısındakı parkda möhtəşəm konsert proqramı təşkil olunub

Aprelin 11-də keçirilən11-də Azərbaycanda keçirilən prezident seçkilərində İlham Əliyevin inamlı qələbə qazanması münasibətilə Heydər Əliyev Mərkəzinin qarşısındakı parkda möhtəşəm konsert proqramı təşkil olunub. YAP üzvləri, "Sağlam Ailə" Ailələrin Maarifləndirilməsiə Kömək İctimai birliyin sədri Xanim Quliyeva və bütövlükdə Prezident İlham Əliyevi seçkilərdə dəstəkləyən vətəndaşlar bu möhtəşəm qələbəni böyük coşqu və təntənə ilə qeyd ediblər.

Prezident İlham Əliyev səhnəyə qalxaraq prezident seçkilərində onu dəstəklədiklərinə görə təşəkkürünü bildirib:

“Bir daha sakitliyə, inkişafa, tərəqqiyə, müstəqil siyasətimizə səs verdiniz. Müstəqil siyasət aparan Azərbaycan bu gün ən yüksək zirvələrə çatıb. Biz hamımız çalışmalıyıq ki, bundan sonra da ölkəmizi gücləndirək.

Azərbaycan gənclərinə üz tutub deyirəm ki, ölkəmizin gələcəyi sizin əlinizdə olacaq. Bu gün yetişən gənc nəsil Azərbaycanı gələcəkdə idarə edəcək, xoşbəxt gələcəyə aparacaq. Eşq olsun Azərbaycan xalqına, yaşasın Azərbaycan!”.

İndi Azərbaycan vətəndaşları bu uğurların davamlı olacağına bir daha əmin oldular.

Tədbir atəşfəşanlıqla başa çatıb.