Lífið er Reyfari - Pikkað upp úr poppfarinu

Lífið er reyfari - Lag & texti: Leó R. Ólason.
Söngur og bakrödd: Leó R Ólason.
Kassagítar: Sigurgeir Sigmundsson.
Bassi: Jóhann Ásmundsson.
Trommur: Ásgeir Óskarsson.
Hljómborð og útsetning: Leó R. Ólason.
-
Grikkir nefndu hann Dionysos, en Rómverjar kölluðu hann Bacchus. Hann er sagður afsprengi Seifs og Persefone sem var gyðja undirheimanna, en Seifur sem var víst ekki við eina fjölina felldur átti hann fram hjá Heru eiginkonu sinni. Sé gluggað í þær gömlu goðsagnir, má lesa um villimannsleg blót, rangsnúið eðli og vitfirringu sem rímar vel við afleiðingar samneytis við hann. Hátíðir til að tigna guðinn kölluðust "orgia" og fóru þannig fram að dýrkendur æddu um að næturþeli við háværan hljóðfæraslátt og mikla drykkju, réðust á dýr sem voru helguð goðinu þeirra, rifu þau í sig og drukku blóðið.
Sigurðar nokkur Baldurssonar er sagður hafa látið þessi fleygu orð falla, sennilega honum til varnar: "Bakkus hefur aldrei gert neinum mein af fyrra bragði!"
Margur góður drengurinn hefur þó átt sér sér aðeins einn óvin sem hefur því miður stundum verið einum of mikið og stríðið tapast á endanum.