УЙДА ҚОЛИБ ҚИММАТБАҲО СОВҒА ОЛИШНИ ИСТАЙСИЗМИ?

Хабар берганимиздек, коронавирус пандемияси сабаб жорий этилган карантин даврида Жисмоний тарбия ва спорт вазирлиги ва БМТнинг Марказий Осиёдаги Наркотиклар ва жиноятга қарши кураш бошқармаси билан ҳамкорлигида “уйдақол” “ҳаётгақўшил” спортчелленжи ўтказилмоқда. Унда иштирок этаётган юртдошларимиз уйида бадантарбия билан шуғулланган ҳолда совғаларни қўлга киритишмоқда.

Мазкур челленжда карантин даврида жисмоний
машқлар, бадантарбия билан шуғулланган ҳолда ўз саломатлигини мустаҳкамлаётган юртдошларимиз иштирок этишмоқда. Улар оила аъзолари билан бажараётган машқларини видеотасвирга олиб ижтимоий тармоққа жойлаши ва уни вазирликнинг саҳифаларига улашиши керак. БМТнинг Марказий Осиёдаги Наркотиклар ва жиноятга қарши кураш бошқармаси томонидан ташкил этилган #уйдақол! #ҳаётгақўшил! #sportchallenge челленжида 6-9 апрель кунлари иштирок этган илк ғолиблар аниқланганди. Уларга ваъда қилинган совғалар етиб борди.