Koncerti “Fyelli magji” në Butrint (6 Maj 2002)

Lajme Arkiva 2002

Fyelli magjik, spektakli ku ndërthuren më së miri tradita shqiptare dhe bukuria e antikitetit, është zhvilluar së fundmi në amfiteatrin e Butrintit. I organizuar për të tretin vit radhazi ky koncert, tashmë është kthyer në një traditë. Ai organizohet nga Ministria e Kulturës Rinisë dhe Sporteve, Parku Kombëtar Butrint dhe fondacioni Bardha.

Është viti i tretë siç ju e dini që organizohet Festivali i “Fyellit Magjik”, e veçanta e këtij koncerti është se kanë ardhur fyelltar edhe nga Kosova, ne prisnim në fakt edhe nga Turqia por fatkeqësisht nuk erdhën. Siç e shikoni Teatri është plotë dhe shpresojmë që fyelltarët të sjellin edhe disa pjesë të reja të pa luajtura më përpara.

Legjenda tregon se shtojzovallet që jetojnë në liqenin e Butrintit, kur morën vesh vdekjen e fyelltarit Pan, filluan të vajtonin me të madhe. Atëherë barinjtë që jetonin në male, filluan ti bien fyellit për nder të tij. Që nga ajo kohë shtojzovallet e Butrintit i luten barinjve t’i bien fyellin në kujtim të Panit.
Këtë vit në këtë spektakël melodishë të mrekullueshme morën pjesë fyelltarë nga të katër trevat e Shqipërisë, si edhe artistë nga Kosova.

Shkallët e amfiteatrit antik të Butrintit janë mbushur plotë e përplot nga vizitorët që kanë ndjekur këtë koncert. Kanë nderuar me pjesëmarrjen e tyre në këtë aktivitet edhe Presidenti i Fondacionit Butrinti, Lordi Rothschild, si dhe ministri i Kulturës Rinisë dhe Sporteve, z. Agron Tato.

“Jam i lumtur që jam këtu dhe shijoj këto melodi të mrekullueshme shqiptare”, tha në fjalën e tij Lordi Rothschild.

Butrinti ka vlera shumë të mëdha dhe ne duhet t’i bëjmë të njohura këto vlera në botë.

SUBSCRIBE to “RTV KLAN” on YouTube for more videos!