Sangtei Khuptong - Awm Lo Ta La Official Music Video

Official lyric video a hnuai a link ah hian K hminga channel

K.Hminga i hla phal taka min sak tir avangin ka lawm e
thanks to- Becky Zote&fly , Danny Murray, Ads Vanchhawng, Abigail Pachuau,
Rachel Ralte, Pk Fanai, Gyaltsen Chodar, Asu, Sunny,Luke,Andrea,Tashi

@mawiinfinityvilla MUMBAI chungah thinlung takin lawmthu kan sawi e
#mizo #musicvideo #2020 #awmlotala

[zoraw]

Ka Comment hi min lo Like sak ve tu...Pawisa ka hlawhna tur a nia...

[rinfelazadeng]

Awm lo ta la....
-Rinfela Zadeng

Tun lai Mizo thalaite zingah hian tu nge Lengzem hla phuah thiam ber pawl ni ang tiin inzawt ta ila, mi tam tak chuan K. Hminga, Aizawl Armed Veng South tlangval hi a ni kan ti ngei ang a; a ziathiam zia pawh hi kan hre theuh awm e. Zaithiam leh hla phuah thiam kawp a nihna te, a hla thu hriatthiam awl tak mai leh ril ru em em si te hi K. Hminga hlutna bik a nih zia te pawh kan hre theuh awm e.

Tun hnai lawka Sangtei Khuptong-i’n mawi tak maia a sak ‘Awm lo ta la’ tih hla a sak te pawh hi mi nawlpui chuan kan hre vekin a rinawm a; sak pawh kan sa thiam vek awm e. He Lengzem hla mawi tak, a thu hriatthiam awl tak leh ril zet si hi K. Hminga hian kum 2018 kum chanve hnulama a phuah a nih thu min hrilh a. Kumin February ni 14, 2020 ‘Valentine’s Day’ ah khan Sangtei Khuptong hian Lyrics video tichhuakin chumi hnu May ni 27, 2020 khan Music Video pangngaiin a tichhuak a nih kha. He thu ziah lai hian mi 524k zetin an en tawh a, tun laia Lengzem hla kan ‘play’ zin ber pawl a ni tiila dawt kan sawi awm lo e.

He Lengzem hla mawi tak maia kan hmuh ang hian chang khatnaah hian– awm tura kan duh ber te an awm miau loh chuan mi tam tak zingah pawh kan mal a, kan hlimna leh kan lawmna hi a sosang thei tak tak lo a, a kim thei tak tak ngai lo tih kan hriat chian em em kha fiah takin kan hmu a. Mahni in lam leh khawlama haw chak ngawih ngawih, mahse thliarkara tang tlat si te rilruah lawng-an mahni chhanchhuak theitu an ngaia an mawmawh ngawih ngawih ang aia thuk zawk mahin tuemaw chu kan ngai ngawih ngawih mai a nih kha! En teh, han awm lo teh reng la....

Chuti khawpa mihring ka nih ve chhunga ka tana mi pawimawh tawp khawk leh ka rilru zawng zawng neitu i nih miau avang chuan min kalbo san teh reng la chuan maw – ka hlimna zawng zawng hi i liampui nghal vek ang a; inthup zo loin ka nun ram zawng zawng pawh hi a nguai nghal vek dawn a. Tun lai khawvela thlalatu te’n mawi tak mai leh a nalh thei ang bera thlalak mawi tak tak an phochhuah tawh laia ‘Black & White’ thlalak hlui leh chuar chhe tawh tak ang leka chul leh thing zo vek tawh ang lek mihring ka ni dawn a ni – awm lo ta teh reng la chuan....

Mihring hmalam pan ve tura siam ka nihna te, hmasawn zel tur leh beiseina nena ka nun hmang chho zel tur ka nih laiin nang hian min awm loh san teh reng la chuan maw – chhungte leh thiante, keima tan ngei pawh phurrit ka ni ang a. Ka then kual mai maiin ka tham ral zo ang a, lungleng reng rengin darkar sawmhnihpali hi ka hmang nitin zantin ang a, mihring ti a chhiar tlak nun hi ka nei lo ang. Mahse en teh nang hi i lo awm hi ruahsur hreawmin min kiansan a, a nawm zia leh a hlut zia ti belhchhah tura Chhimbal mawi tak mai a lo zam tel ang aia a let sariha hluin ka tan i hlu a. Nangmah ngei hi asin Pathianin mihring lama ka tana hlu ber tura a dah i ni. Chuvangin, awm lo ngai suh aw....

Awm lo ta la
Phuahtu: K. Hminga
Satu: Sangtei Khuptong

Awm lo ta la, ka hlimna a chuai ang a,
Awm lo ta la, ka hringnun a nguai ang a,
Thliarkar vakvaiten lawngmi an ngai angin,
Aw ka di, ka hringnun hian a ngai che.

Min liam san chuan, ka thinlung a hliam ang a,
Min liam san chuan, ka marphu a hniam ang a,
Hmanlai thlalak hlui rawng nei lo ang maiin,
Aw ka di, ka hringnun rawng a chuai ang.

Awm lo ta la, khawharin ka thamral ang,
Awm lo ta la, lunglengin ka zam ral ang,
Fur khua a thian a, chhimbal an mawi angin,
Aw ka di, ka hringnuna'n i mawi ber. (2)

[Na-i-ta]

I am from Shillong, a khasi. I've got a few mizo friends & i love listening to mizo songs. But this one is my favourite. I even learned the whole entire song. 😍😍😍 It's a beautiful song.

[ericzomuanpuia]

He hla hi midang play ka ngaithla fo a, mahse keiman ka play ngailo, mahse keimah ngeiin hei tunah hian ka play ngei ka ngaithla ve a, a nalhin pawi ava sawi lo em 😇😇

[HlimpuiaR]

Video hi a sweet e. Hetiang lam hi Mizo ah hian ka hmuh awm pawh ka la hre lo. Color grading hi a sweet. A nalh ngawih, In entertain si. I zai chu ka sawi lo mai ang, Mizo ah ka no1 i ni sa tho a.

[rebeccalalthanpuii]

Congrats Sangtei on your first single!! It was a long time coming. Awm lo ta la kan khua hi a va har dawn em..! Hetiang hla nalh phuahtu leh a satu hi in chhuanawm ngawih2 e. ❤️

[tribalboyz]

Paite leh hmar ho in tih mizo zia hi chu oo.. Varte. Zote. Bawitlung. Sinate. Tryte etc ho hmar ania chuan.. Khuptong. Valte. Ngaihte. Guite. dousel etc kha Paite ania achang inpaite hla poh han sa roh.. Paite Or hmar ka nia mahse paite/hmar trawng ka hrelo tih hi zahthlak ltk

[siamnunlianvalte]

Na na siam lua. Ka ngaih masakna ahi. Lamka lam ten le konna ngaisang viau uh e. Hong lohching tou zel in

[Sangsanga]

✍️A hla thu hi a ṭha in a mawi mai bakah a nalh bawk hle a ni. A ril reuh hle bawk. Kristian thlirna aṭangin kan thlir lawk nge. Pathian hian engtik lai pawhin min kalsan ngai lova ni tih kan hre ṭheuh awm e. Kan hmangaihte kan bula awm turin kan duh a, kan sawm ṭhin. Hetiang hian Pathian pawh hian kan mangan buai leh harsatna kan tawh huna kan lungngaih leh ṭah lai chauh ni lo in kan hlim lai, lawm lai leh engkawng kan zawh hunah awm ve turin min duh a ni. Vantirhkohte meuh pawhin kan tan i tawk lo em ni ? an tih lawm lawm lai pawhin mihringte tel lo chuan Pathian hi a awm thei bik lova. Chuvang chuan awm lo ta la, tiin min sawm ang hian keini pawh hian eng thil kan tawh/tawn hunah pawh Lal Isua Krista kal tlangin awm lo ta la, kan tan hian aw Lalpa Pathian tih hi kan ba chauh ni lo ve kan tih fo tur a ni e, kan ti ve a nih chu😥😊🙏🏻 Khawngaihin he ka comment mi ni lo a hla thu nalh, mawi leh ṭha ti zawngin comment hi lo like ve ru lem. a peih tan..., , hee...😇🤣😷

[peeyushify]

To all the beautiful Mizo people out there, pls someone add subtitles..

[tesenakeivom]

MZI RIMAWI AWARD 2021 aţangin ka rawn thlir nawn leh veng veng che aw...

[jramngaihawmi]

I Țhu zai lai ngawr ngawr ka hmu chak, i bulah K.Hmingan Guiter lo perh bawk se.A hla thu a tawi si, i zai lai hmel ka en ngawr ngawr chak a ni ber.😍

I sa nalh iti tlai tak zet e.👍👍

[josephchhangte]

Aw mawi leh zaithiam nui zeimawi bawk leh hmeltha pian nalh bawk ....

[vearylamare]

Though i don't understand the words but i love this songs

[ElizaLalthansanga]

I van vannei bik em, hmeltha si, zaithiam si, aw cial tak i la nei zui bawk si.

[antykhawlhring]

I zaithiam takzet, chutihrual chuan hetiang hi duhtawk mai lo in America's Got Talent te hi tel ve tum chhin la ka va ti tak em!!Mizo hming athat phah dawn e mai..

[LalmalsawmaMalsawma-syzy]

Mizo tak hian a changkan theih, hnamdang mipa tel lo hian kan nula te hi intleizo ta nange

[FrancisLallawmkima]

Ava mawi tehreng em, Danny a bawn thei khop mai 😊

[Lalruatangente]

Mawi lutuk sangte, guitar kha analh lutuk bawk

[lalhmangaihzuali]

Van zaithiam tak em, mipa chu ni ila ka ngaizawng hrim2, muah2