Artur Shkira @ Trëndafilat e bardhë

TRËNDAFILAT E BARDHË

Qëndroj i ulur këtej tryezës
Dhe ti diku pranë je...
Përkulem luleve mbi parvaz
Dhe flladi sy mbyllur më gjen.
Unë i ndiej trëndafilat
Ata që të pëlqejnë edhe ty,
Mbushem me aromë
Thellë-thellë..,
Ndërsa gotën zgjas
Të them-Për ne të dy !

Ti, këtu pranë je,
Dhe në tryezë
Për nga ana jote
Trëndafila borë të bardhë
Skuqen në heshtje ..!